ხვალ, 18 ივლისს, 20:00 საათზე, ბათუმის ჩოგბურთის კლუბში შავი ზღვის რიგით მე-13 ჯაზფესტივალი გაიხსნება. პირველ დღეს ფესტივალი Cory Henry & The Funk Apostles-ს უმასპინძლებს, 19 და 20 ივლისს კი მათ სცენაზე Kraak & Smaak, MokuMoku და Incognito შეცვლის.
ფესტივალის განრიგი წელს ასეთია:
- 18 ივლისი, 20:00 – ბათუმის ჩოგბურთის კლუბი
Cory Henry & The Funk Apostles - 19 ივლისი, 20:00 – ბათუმის ჩოგბურთის კლუბი
Kraak & Smaak MokuMoku - 20 ივლისი – ბათუმის ჩოგბურთის კლუბი
Incognito
გრემის ჯილდოს მფლობელმა კორი ჰენრიმ (CORY HENRY) მუსიკალური კარიერა 2006 წელს დაიწყო და მისმა სამივე ალბომმა გამოსვლისთანავე დაიკავა მსოფლიო მუსიკალურ ჩარტებში მთავარი პოზიციები. მუსიკოსის სინგლები ჯაზისა და გოსპელის საუკეთესო ალბომების ნომინაციებში მოხვდა.
ჯგუფ Inkognito-ს კარიერა 1979 წლიდან იწყება. ამ ხნის განმავლობაში 40-წლიანი კარიერის განმავლობაში 15-ზე მეტი ალბომი გამოუშვა და ბენდმა არაერთი მუსიკოსი გამოიცვალა, თუმცა უცვლელია ჟან პოლ მონიკი – სასცენო სახელწოდებით ბლუი – Inkognito-ს ვოკალისტი, პროდიუსერი და გიტარისტი.
MOKUMOKU თბილისში დაარსებული ჯგუფია, დაუკრავთ ისეთ საერთაშორისო ფესტივალებში, როგორებიცაა: MadCool Festival (2018 წ.) და Bristol Upfest (2017 წ.) მალე გამოვა ჯგუფის მეოთხე სტუდიური ალბომი, სახელწოდებით „Feast”.
შავი ზღვის ჯაზფესტივალის რეზიდენტი დიჯეი წელს დავით მაჩაიძე იქნება.
ჯაზფესტივალის დღეებში ჰოსტელი Green Door-ი ფესტივალის სტუმრებს 20%-იან ფასდაკლებას სთავაზობს. ჰოსტელი ქალაქის ისტორიულ ნაწილში, მემედ აბაშიძის 48 ნომერში მდებარეობს და ბულვარის, ევროპის მოედნისა და ზღვის სანაპიროდან ფეხით 5 წუთის სავალზეა. ჰოსტელი „გაზეთ ბათუმელებსა“ და „ნეტგაზეთს“ ეკუთვნის და ვიზიტორებს ფასდაკლებას ჯაზფესტივალის საინფორმაციო მხარდაჭერის ფარგლებში სთავაზობს.
