Batumelebi | ავარიის შედეგად დაშავებული 6 წლის ბავშვის მდგომარეობა კრიტიკულია ავარიის შედეგად დაშავებული 6 წლის ბავშვის მდგომარეობა კრიტიკულია – Batumelebi
RU | GE  

ავარიის შედეგად დაშავებული 6 წლის ბავშვის მდგომარეობა კრიტიკულია

13 ივლისს ქობულეთის შემოვლით გზაზე მომხდარი ავარიის შედეგად 13 დაშავებულთაგან ერთი ბავშვი თბილისში გადაიყვანეს, მეორე კი ბათუმის დედათა და ბავშვთა ჯანმრთელობის ცენტრში რჩება. აჭარის ჯანდაცვის სამინისტროს ინფორმაციით, ბათუმში, კლინიკაში მყოფი 6 წლის ბავშვის მდგომარეობა კრიტიკულია და მისი ტრანსპორტირება თბილისში ვერ მოხდა [თავდაპირველი ინფორმაციით, ბავშვის ასაკად 3 წელი დასახელდა, თუმცა ჯანდაცვის სამინისტროში დააზუსტეს, რომ ბავშვი 6 წლისაა].

ბავშვების მშობლები გუშინ, 13 ივლისს, ავარიის შედეგად დაიღუპნენ.

აჭარის ჯანდაცვის სამინისტროს ინფორმაციით, ქობულეთში, კლინიკაში, ამ დროისათვის რჩება 9 პაციენტი, ქართველი მძღოლები და პოლონელი ტურისტები. ორ მათგანს უტარდება ოპერაცია.

13 ივლისს ქობულეთის შემოვლით გზაზე მომხდარი ავარიის შედეგად ორი ადამიანი, ცოლ-ქმარი დაიღუპა და 13 ადამიანი დაშავდა, ორი მათგანი, მძღოლები, საქართველოს მოქალაქეები არიან, დანარჩენი კი  – უცხო ქვეყნის მოქალაქეები, პოლონელი და არაბი ტურისტები.

შსს-ს ინფორმაციით, ავარიის დროს ერთმანეთს მინივენები შეეჯახა.

გამოძიება დაწყებულია სსკ-ის 276- ე მუხლით, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ადამიანის სიცოცხლის მოსპობა გამოიწვია.

_________________

ფოტოზე: ქობულეთის რეგიონალური საავადმყოფო. ფოტო: fb 

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.