მათი ასი წელი


აჭარაში ასი ან ას წელს გადაცილებული სულ 34 ადამიანი ცხოვრობს – 33 ქალი და 1 კაცი. მათგან ყველაზე უხუცესი 114 წლისაა, ფიქრიე ირემაძეა და ხულოს მუნიციპალიტეტში ცხოვრობს.

გასული ერთი თვის განმავლობაში „ბათუმელები“ სხვადასხვა მუნიციპალიტეტში მცხოვრებ ხანდაზმულ ადამიანებს ხვდებოდა.  გთავაზობთ მათ ისტორიებს მოკლედ.

101 წლის აიშე ბერიძე-ლორთქიფანიძე

აიშე ბერიძე-ლორთქიფანიძე 101 წლისაა. ცხოვრობს ქედაში. ჰყავს ოთხი შვილი და 17 შვილიშვილი.

აიშე დამოუკიდებელ საქართველოში დაიბადა, სიცოცხლის უმეტესი ნაწილი – 70 წელი კომუნისტურ რეჟიმში იცხოვრა და მეორედ მოესწრო საქართველოს დამოუკიდებლობის აღდგენას.

ამბობს, რომ ცხოვრებაში არაფერზე გული არ სწყდება, მისი ხანგრძლივი ცხოვრების საიდუმლო კი, სავარაუდოდ, ჯანსაღ კვებაშია.

„ბევრს ვშრომობდი. დავდიოდი მთაში, ვუვლიდი ძროხებს, ვამუშავებდი მიწას, მომყავდა თამბაქო. ვიკვებებოდით ჩვენ მიერ მოყვანილი ნატურალური პროდუქტით,“ – ყვება 101 წლის ქალი. მას ვკითხეთ, კომუნისტურ ეპოქაში უკეთესი იყო ცხოვრება თუ ახლა – დამოუკიდებელ ქვეყანაში. ამბობს, რომ ახლა, რადგან მაშინ ბევრს ამუშავებდნენ, მაგრამ მათ ნაშრომს არავინ აძლევდა. ახლა რამდენსაც გინდა, იმდენს იმუშავებო.

10 კითხვა 101 წლის აიშე ბერიძე – ლორთქიფანიძეს

აიშე დამოუკიდებელ საქართველოში დაიბადა, ცხოვრების უმეტესი ნაწილი, 70 წელი კომუნისტურ რეჟიმში იცხოვრა და მეორედ მოესწრო საქართველოს დამოუკიდებლობის აღდგენას. ნახეთ რა არის 101 წლის აიშე ბებოს ხანგრძლივი სიცოცხლის საიდუმლო

Posted by ბათუმელები • Batumelebi.ge on პარასკევი, 26 ივლისი, 2019

100 წლის ამირან ბოლქვაძე

ამირან ბოლქვაძე 100 წლის 1-ელ ივლისს გახდა. სწორედ ის არის ერთადერთი კაცი აჭარაში, ვინც ერთი საუკუნე იცხოვრა. ამირანი ხულოს მუნიციპალიტეტში ცხოვრობს.

ჰყავს 6 შვილი, 27 შვილიშვილი, 49 შვილთაშვილი და შვილთაშვილის შვილი. ჯამში მისი შთამომავლობა 82-ს აღწევს.

ამირანი ამბობს, რომ არ არსებობს საქართველოს რეგიონი, სადაც მისი შთამომავლები არ ცხოვრობენ.

100 წლის ამირან ბოლქვაძე

ამირან ბოლქვაძე 1 ივლისს 100 წლის გახდა. ჰყავს 6 შვილი, 27 შვილიშვილი, 49 შვილთაშვილი და შვილთაშვილის შვილი. ჯამში მისი შთამომავლობა 82-ს აღწევს. ბოლო ხუთი წლის მანძილზე, ეს პირველი შემთხვევაა აჭარაში, როცა კაცი აღწევს ას წელს. აჭარაში ასი ან ას წელს გადაცილებული სულ 34 ადამიანია. 33 ქალი და 1 კაცი. მათგან ყველაზე უხუცესი 114 წლისაა.

Posted by ბათუმელები • Batumelebi.ge on ორშაბათი, 01 ივლისი, 2019

 

მთავარ ფოტოზე კი 98 წლის თამარა ქავთარაძეა. 75 წელზე მეტია ცხოვრობს შუახევში, სოფელ ცხემლისში. თუმცა თუ ჰკითხავთ, საიდან არის, აუცილებლად გიპასუხებთ, რომ მაჭახლის ხეობიდან.

ჰყავს ოთხი შვილი, თორმეტი შვილიშვილი და ოცი შვილთაშვილი.

თამარა ქავთარაძე ფოტო: მანანა ქველიაშვილი/ბათუმელები

ოფიციალური მონაცემებით, 100 წელს მიღწეული ყველაზე მეტი ადამიანი აჭარაში ცხოვრობს.

 

 

ნეტგაზეთის მასალების სხვა გამოცემებში გადაბეჭდვის წესი
ავტორი