Batumelebi | შეკვეთილში ივანიშვილის რეზიდენციასთან მოშიმშილე ერთი პირი კლინიკაში გადაიყვანეს შეკვეთილში ივანიშვილის რეზიდენციასთან მოშიმშილე ერთი პირი კლინიკაში გადაიყვანეს – Batumelebi

შეკვეთილში ივანიშვილის რეზიდენციასთან მოშიმშილე ერთი პირი კლინიკაში გადაიყვანეს

„ნაციონალური მოძრაობის“ წევრის, გია აბულაძის ინფორმაციით, შეკვეთილში მმართველი პარტიის თავმჯდომარის, ბიძინა ივანიშვილის რეზიდენციასთან მოშიმშილე ერთი პირი – ბათუმელი მინდია ადაძე შეუძლოდ გახდა. სასწრაფო სამედიცინო ჯგუფმა მას დახმარება აღმოუჩინა და ის ამ წუთებში [21:40] ქობულეთში სამედიცინო დაწესებულებაში გადაჰყავთ.

უმაღლესი საბჭოს დეპუტატის, გია აბულაძის თქმით, მოშიმშილეს „წნევა ჰქონდა მაღალი და შაქარი დაუვარდა“. მდგომარეობის გათვალისწინებით სამედიცინო ჯგუფმა მისი გადაყვანა საავადმყოფოში აუცილებლად მიიჩნია.

გია აბულაძის ინფორმაციით, შეუძლოდაა ასევე კიდევ ერთი მოშიმშილე – დათო შავაძე, რომელსაც ექიმებმა ადგილზე აღმოუჩინეს დახმარება, თუმცა ის საავადმყოფოში არ გადაუყვანიათ.

მინდია ადაძე და დათო შავაძე დღეს მე-6 დღეა, რაც შიმშილობენ.

თავდაპირველად შეკვეთილის რეზიდენციასთან ენმ-ის ხუთმა აქტივისტმა დაიწყო შიმშილობა, მაგრამ შიმშილობიდან მალევე ორ პირს პროტესტის უკიდურესი ფორმის შეწყვეტა მოუხდა, ჯანმრთელობის მდგომარეობიდან გამომდინარე.

შიმშილობას დღემდე აგრძელებდნენ მინდია ადაძე, დათო შავაძე და ხათუნა ბერიძე. მათ შიმშილობა 20 ივნისს თბილისში განვითარებული მოვლენების გასაპროტესტებლად დაიწყეს.

მთავარი ფოტო: მინდია ადაძე და დათო შავაძე

ნეტგაზეთის მასალების სხვა გამოცემებში გადაბეჭდვის წესი
ავტორი
ეთერ თურაძე არის გაზეთ "ბათუმელების" მთავარი რედაქტორი 2001 წლიდან