მასწავლებელთა პროფესიული განვითარების ეროვნული ცენტრი განცხადებას ავრცელებს იმ პედაგოგების საყურადღებოდ, რომლებმაც ვერ მოასწრეს განსაზღვრულ ვადაში დოკუმენტების ატვირთვა, გამოქვეყნება ან არასწორად ატვირთეს დოკუმენტები.
ცენტრის განცხადებით, საპატიო მიზეზის არსებობის შემთხვევაში, 2019 წლის 8 ივლისის ჩათვლით eFlow-ში წერილობითი მიმართვის საფუძველზე გეძლევათ შეცდომების გასწორების საშუალება.
ცენტრი განიხილავს შემდეგი ტიპის დარღვევებს:
[checklist]
- დოკუმენტაცია ატვირთულია ელექტრონულ სივრცეში, მაგრამ არასწორ ველში;
- დოკუმენტაცია ატვირთულია, მაგრამ არ არის გამოქვეყნებული;
- დოკუმენტაცია არ აიტვირთა ტექნიკური პრობლემის გამო (აღნიშნული გადამოწმდება სსიპ განათლების მართვის საინფორმაციო სისტემაში).
[/checklist]
ცენტრის ინფორმაციით, იმ შემთხვევაში, თუ კვლევის ეთიკა არის დარღვეული, მაგალითად, ატვირთულია ბავშვების სურათები, ან სახელები და გვარები, რაც იძლევა მონაწილეების იდენტიფიცირების საშუალებას, აღნიშნული კვლევა ფასდება უარყოფითად.
ასევე, იმ შემთხვევაში, თუ ერთ ველში ატვირთული არის ორი ან მეტი აქტივობის დამადასტურებელი დოკუმენტაცია (მაგალითად, ორი რესურსი, ორი გაკვეთილი) და სკოლის შეფასების ჯგუფს ტექნიკურად აქვს საშუალება, აქტივობის გასწვრივ დააფიქსიროს ჯამური შეფასება.
