ნიკა მელიას დაკავებას „ქართული ოცნების“ დეპუტატებმა მხარი დაუჭირეს


ამ წუთებში საქართველოს პარლამენტის უმრავლესობამ, პლენარულ სხდომაზე კენჭი უყარა პროკურატურის მოთხოვნას და მხარი დაუჭირა დეპუტატ ნიკა მელიასთვის პატიმრობის გამოყენების მიზნით სასამართლოსთვის მიმართვაზე. კენჭისყრაში მონაწილეობა მიიღო 92 დეპუტატმა. მათგან ნიკა მელიას დაკავებას მხარი დაუჭირა 91 დეპუტატმა.

ნიკა მელიას სხდომათა დარბაზში არ ახლდნენ მისი თანაპარტიელები. ენმ-ის დეპუტაცია და სხვა ოპოზიციონერი დეპუტატები სხდომის მსვლელობას პარლამენტის ფოიეში ადევნებენ თვალს.

გენერალური პროკურორის წარმოამდგენელმა დეპუტატებს განუცხადა, რომ მათ ნიკა მელიას მიერ ჩადენილი დანაშაულის დამადასტურებელი კადრები აქვთ და ასევე ჰყავთ მოწმეები.

პროკურატურის ინფორმაციით, “აქციის მიმდინარეობისას ჯგუფური ძალადობის ხელმძღვანელობის და მასში მონაწილეობისთვის ნიკანორ მელიას მიმართ გამოტანილია ბრალდების დადგენილება საქართველოს სისხლის სამართლის კოდექსის 225-ე მუხლის პირველი და მეორე ნაწილებით”.

ნიკა მელიას ბრალის დადასტურების შემთხვევაში 6-დან 9 წლამდე პატიმრობა ემუქრება.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ეთერ თურაძე არის გაზეთ "ბათუმელების" მთავარი რედაქტორი 2001 წლიდან