აჭარის ჯანდაცვის სამინისტროს ინფორმაციით, თურქეთში დღეს, 26 ივნისს მომხადარი ავტოავარიის შედეგად დაშავებული ქალის მდგომარეობა საშუალოდ კრიტიკულია. ის რიზეში, ერდოღანის სახელობის საავადმყოფოშია გადაყვანილი და ამ დრომდე რეანიმაციის განყოფილებაში რჩება.
დღეს, დაახლოებით 00:45 საათზე, თურქეთში, ავტობანის ფაზარის მონაკვეთზე, ტრაბზონიდან 120 კილომეტრში ავტოსაგზაო შემთხვევა მოხდა, რის შედეგადაც საქართველოს ორი მოქალაქე დაიღუპა, ერთი კი მძიმე მდგომარეობაში, კლინიკაში მოათავსეს.
სამივე მათგანი აჭარის მცხოვრები იყო.
სამინისტროს ინფორმაციით, დაღუპული და დაშავებული ადამიანები ერთი ოჯახის წევრები არიან. გარდაცვლილია ერთი კაცი და ერთი ქალი. სამინისტროს ინფორმაციით ცხედრები საზღვარზე უკვე გადმოასვენეს.
___________
ავარიის ადგილი. ფოტო: haberx.com
