ბათუმში, ევროპის მოედანზე მიმდინარე აქციის მონაწილეების შეურაცხყოფისთვის პოლიციამ ერთი პირი დააკავა. მან აქციის მონაწილეებს სიტყვიერი შეურაცხყოფა მიაყენა და დუმბაძის ქუჩის მიმართულებით წავიდა. პოლიციელებმა მოქალაქე რუსთაველის ქუჩაზე დააკავეს, რასაც რამდენიმე მოქალაქის პროტესტი მოჰყვა.
შინაგან საქმეთა სამინისტროდან გვაცნობეს, რომ ეს პირი დაკავებულია წვრილმანი ხულიგნობისთვის.
ევროპის მოედანზე შეკრებილები გუშინ საქართველოს პარლამენტთან აქციის ძალადობრივი მეთოდებით დაშლას აპროტესტებენ.
ამ დროისთვის აქცია ისევ გრძელდება. იქვე მობილიზებულია პოლიციაც.
