Batumelebi | 4 წლის ანრის გარდაცვალების ფაქტზე ექიმს 4 თვით შეუჩერეს სერტიფიკატი 4 წლის ანრის გარდაცვალების ფაქტზე ექიმს 4 თვით შეუჩერეს სერტიფიკატი – Batumelebi
RU | GE  

4 წლის ანრის გარდაცვალების ფაქტზე ექიმს 4 თვით შეუჩერეს სერტიფიკატი

4 წლის ანრი ბერიძის გარდაცვალების ფაქტზე სამედიცინო რეგულირების სააგენტომ დასკვნა დადო. სააგენტოს დასკვნაში აღნიშნულია, რომ იაშვილის სახელობის  ბათუმის დედათა და ბავშვთა ჯანმრთელობის ცენტრში ექიმს, კარინე აბგარიანს 4 თვით შეუჩერდა სახელმწიფო სერტიფიკატი.

სამედიცინო რეგულირების სააგენტოში მოყვანილია კონკრეტული მიზეზები, რის გამოც სააგენტომ მიიჩნია, რომ „ვერ მოხდა დაავადების დროული ამოცნობა“. დასკვნაში წერია, რომ მაგალითად, არ ჩატარებულა ნევროლოგის კონსულტაცია, ასევე „უგულებელყოფილია ბარათში აღწერილი ძლიერი თავის ტკივილის ჩივილი…“

„ეს არაა სამართალი. აღარ მინდა ასე კვდებოდნენ პატარა ბავშვები… მე აუცილებლად მივმართავ სამართალდამცავ ორგანოებს, რომ დადგეს ექიმების პასუხისმგებლობის საკითხი,“ – ამბობს გარდაცვლილი ანრი ბერიძის დედა, შორენა იაკობაძე.

ანრი ბერიძე 2017 წლის მარტში გარდაიცვალა. შინაგან საქმეთა სამინისტროს ინფორმაციით, ამ ფაქტზე გამოძიება დაწყებული არ არის.

ამ თემაზე:

როგორ აგებენ ექიმები პასუხს დარღვევებზე ევროპაში

ნეტგაზეთის მასალების სხვა გამოცემებში გადაბეჭდვის წესი
ავტორი