მთავარი,სიახლეები

„მივმართავთ უკიდურეს ზომებს“ – კომპანია სვეტის მიერ დაზარალებულების აქცია ბათუმში

03.06.2019 • 1683
„მივმართავთ უკიდურეს ზომებს“ – კომპანია სვეტის მიერ დაზარალებულების აქცია ბათუმში

სამშენებლო კომპანია „სვეტის“ მიერ დაზარალებულმა მოქალაქეებმა ბათუმის მერიასთან მორიგი საპროტესტო აქცია გამართეს. დღეს მერიასთან მხოლოდ ოთხი დაზარალებული იყო მოსული, თუმცა მთლიანობაში 300-ზე მეტი მოქალაქე ითხოვს საცხოვრებელი კომპლექსის დასრულებას, რომელიც „სვეტმა“ დაიწყო.

აქციის მონაწილეები დღეს, 3 ივნისს, ბათუმის მერიის ადმინისტრაციის უფროსს შეხვდნენ. დაზარალებულები თამარ მეფის პირველ ნომერში ცხოვრობდნენ, სადაც „სვეტი“ ოლიმპიურ კომპლექსს აშენებდა. დაზარალებულები ამბობენ, რომ თუ პრობლემა არ მოგვარდება, ისინი უკიდურეს ზომებს მიმართავენ.

„ჩვენ მოლაპარაკებებს ვაწარმოებდით ყოფილ ვიცე-მერთან და დღეს გვქონდა შეხვედრა ჩანიშნული, მაგრამ, როგორც ვიცით, თენგიზ პეტრიძე პატიმრობაშია და ლაშა კომახიძემ ადმინისტრაციის უფროსს დაავალა ჩვენი მოსმენა. „სვეტის“ წარმომადგენლები ჯანელიძე და ჯიბლაძე დაკავებულები არიან, ქონება კი დაყადაღებულია“, – ამბობს ერთ-ერთი დაზარალებული ქეთი სირაძე.

მოქალაქეები ამბობენ, რომ მერიასთან მოლაპარაკებებს ორ თვეზე მეტია აწარმოებენ. მათ სურთ ბათუმის მერიამ გამოიყენოს ის პრაქტიკა, რაც თბილისის მერიამ გააკეთა და „სვეტის“ ნაცვლად ახალი ინვესტორი შემოიყვანოს, რომელიც საცხოვრებელი კომპლექსის მშენებლობას დაასრულებს.

კომპლექსის მშენებლობა 2017 წლის სექტემბერში შეჩერდა. ყოფილმა მერმა მშენებარე კორპუსის დემონტაჟის ბრძანება გასცა, თუმცა როგორც დაზარალებულები ამბობენ, მათ ამით შესახებაც კი არ ჰქონდათ ინფორმაცია და დღემდე აგრძელებდნენ ბინის საფასურის გადახდას.

ამავე თემაზე:

https://batumelebi.netgazeti.ge/weekly1/48912/

გადაბეჭდვის წესი


ასევე: