Batumelebi | ბათუმში კულტურული მემკვიდრეობის ძეგლს გაფრთხილების მიუხედავად ანგრევენ ბათუმში კულტურული მემკვიდრეობის ძეგლს გაფრთხილების მიუხედავად ანგრევენ – Batumelebi
RU | GE  

ბათუმში კულტურული მემკვიდრეობის ძეგლს გაფრთხილების მიუხედავად ანგრევენ

ბათუმში კ. გამსახურდიას 45 ნომერში, სომხური ეკლესიის გვერდით სახლის კედელს ანგრევენ, რომელიც კულტურული მემკვიდრეობის ძეგლია.

როგორც „ბათუმელებს“ აჭარის კულტურული მემკვიდრეობის დაცვის სააგენტოს ხელმძღვანელი, ზაურ ახვლედიანი ეუბნება, ძეგლზე სამუშაოების ნებართვა სააგენტოს მიერ გაცემული არ არის.

„ნებართვა არ აქვთ და კედელს უნებართვოდ ანგრევდნენ. გუშინ გააჩერა რეაგირების ჯგუფმა, თუმცა დღეს ისევ ჰქონდათ მცდელობა“, – ამბობს ზაურ ახვლედიანი.

ბათუმის მერიის ზედამხედველობის სამსახურში გვითხრეს, რომ ადგილზე უკვე გაუშვეს ჯგუფი ვითარების გასაცნობად.

შენიშვნა: ზედამხედველობის სამსახურის ინფორმაციით, ძეგლის ნგრევა შეაჩერეს.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com