Batumelebi | მამუკა ბახტაძე მასწავლებლების ხელფასზე: „ეს არის ძალიან დიდი ტრაგედია“ მამუკა ბახტაძე მასწავლებლების ხელფასზე: „ეს არის ძალიან დიდი ტრაგედია“ – Batumelebi

მამუკა ბახტაძე მასწავლებლების ხელფასზე: „ეს არის ძალიან დიდი ტრაგედია“

ბათუმში განათლების ქალაქის პრეზენტაციაზე გამოსვლისას პრემიერ-მინისტრმა მამუკა ბახტაძემ მასწავლებლებზეც ისაუბრა. პრემიერი ამბობს, რომ საქართველოში ისედაც დაბალი ხელფასების ფონზე, მასწავლებლის ხელფასი საშუალო სტატისტიკურზეც კი დაბალია:

„ეს არის ძალიან დიდი ტრაგედია“.

პრემიერის თქმით, მასწავლებლების ხელფასი დაპირებისამებრ შემოდგომიდან გაიზრდება მინიმუმ 150 ლარით:

„შემდეგ გავზრდით ყოველწიურად და 2022 წლისთვის მინიმალური ხელფასი პედაგოგისთვის იქნება 1500-დან 1800-ლარამდე. ეს არის ერთადერთი სწორი გზა. ქვეყანა, რომელიც პედაგოგის ღვაწლს ვერ დააფასებს სათანადოდ, მას არათუ მომავალი არ ექნება, მან შეიძლება თავისი წარსულიც კი დაკარგოს და ეს ყველას კარგად უნდა გვესმოდეს. მე მინდა მივესალმო ჩვენს მასწავლებლებს, განსაკუთრებით მინდა მოვეფერო ჩვენს პედაგოგებს, რომლებმაც წლების განმავლობაში ასეთი მწირი, ხშირ შემთხვევაში, დაფინანსების არქონის პირობებში შეძლეს და მოიტანეს ჩვენამდე დღევანდელი განათლების სისტემა, რომელსაც სჭირდება ახალი ენერგია, ახალი ინვესტიციები ახალი ხედვა და ჩვენ ამას ყველაფერს უზრუნველვყოფთ“, – განაცხადა პრემიერმა პრეზენტაციაზე.

ნეტგაზეთის მასალების სხვა გამოცემებში გადაბეჭდვის წესი
ავტორი