ბათუმის „დინამო“ თბილისის დინამოს ხვდება – სტადიონი სავსეა

დღეს, 11 მაისს, 21:00 საათზე ბათუმში, ანგისის სტადიონზე „დინამო“ ბათუმი თბილისის „დინამოს“ ხვდება. მატჩამდე ერთი საათია დარჩენილი, ტრიბუნები კი გულშემატკივრებით  სავსეა.

ეროვნული ლიგის მიმდინარე გათამაშებაში „დინამო“ ბათუმს 22 ქულა აქვს და ლიდერ „საბურთალოს“ ორი ქულით ჩამორჩება. რაც შეეხება თბილისის „დინამოს“, იგი მესამე ადგილზეა, 20 ქულა აქვს და „ბათუმის დინამოს“ ორი ქულით ჩამორჩება.

გუშინ, 10 მაისს,  პირველ ადგილოსანმა “საბურთალომ” დათმო საკუთარი მატჩი “რუსთავთან”, რამაც შანსი მისცა ბათუმის “დინამოს” – ბათუმური კლუბი თუ დღეს გაიმარჯვებს, ეროვნულ ლიგაში პირველ ადგილზე აინაცვლებს.

მიმდინარე ეროვნული ლიგის გათამაშებაში „ბათუმის დინამოს“ შვიდი მოგება, ერთი ფრე და სამი წაგება აქვს.

გულშემატკივრები მატჩის დაწყებამდე
ფოტო: გიორგი ვარშანიძე

ის გულშემატკივრები, რომლებიც სტადიონზე ვერ მოხვდნენ, თამაში ნახვას მოედნის გარედან აპირებენ                                     ფოტო: გიორგი ვარშანიძე

მატჩის წინ ფოტო: გიორგი ვარშანიძე

მატჩამდე ერთი საათია დარჩენილი, ტრიბუნები კი გულშემატკივრებით უკვე სავსეა ფოტო: გიორგი ვარშანიძე