როდის მიეწოდება ბუნებრივი აირი ბათუმის ნაწილს


ბათუმში, ხიმშიაშვილის ქუჩასა და ბათუმზე შემოერთებულ ხელვაჩაურის ნაწილს, ბუნებრივი აირი ამ დრომდე არ მიეწოდება. როგორც „ბათუმელებს“ კომპანია „სოკარში“ უთხრეს, საღამოს 5:00 საათისთვის ყველა აბონნეტი ჩართული იქნება. „ბათუმზე შემოერთებული ხელვაჩაურის ნაწილს და ხიმშიშვილის ქუჩასაც, დღის ბოლომდე ექნება ბუნებრივი აირი, ახლა მიმდინარეობს ტექნიკური სამუშაოები და როცა მოსახლეობა რუპორებით გაფრთხილდება, შემდეგ შეუძლიათ ჩართონ გაზი“-გვეუბნებიან „სოკარში“.

ბათუმს ბუნებრივი აირის მიწოდება 5 მაისს შეუწყდა, გაზის შეწყვეტის მიზეზი, როგორც კომპანიაში განაცხადეს, ცენტრალური მილსადენის დაზიანება იყო, რომელიც რეფერალურ კლინიკასთან ახლოს, ერთ-ერთმა სამშენებლო კომპანიამ ნიადაგის ბურღვის დროს დააზიანა.

ბუნებრივი აირის მიწოდება ეტაპობრივად დაიწყო. ამ დროისთვის ქალაქის დიდ ნაწილს ბუნებრივი აირი მიეწოდება, თუმცა, გარკვეულ ქუჩებზე გაზი ჯერ კიდევ არ აქვთ.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com