2019 წლის ეროვნულ ჯილდოზე 69 ქალი და 5 კაცი მასწავლებელია წარდგენილი


2019 წლის მასწავლებლის ეროვნული ჯილდოს კონკურსში საქართველოდან სულ 74 მასწავლებელი მიიღებს მონაწილეობას. აქედან ყველაზე მეტი – 16 მასწავლებელი დარეგისტრირებულია კატეგორიაში – სახელმწიფო ენები, მეორე ადგილზე – 13-13, დაწყებითი და საბუნებისმეტყველო საგნის მასწავლებელია წარდგენილი.  ეროვნულ ჯილდოზე ასევე წარდგენილია საზოგადოებრივი მეცნიერებების 12 მასწავლებელი, უცხო ენების – ცხრა, ესთეტიკური აღზრდის – ექვსი, ინკლუზიური განათლების – სამი, მათემატიკის ორი მასწავლებელი.

წელს ეროვნულ ჯილდოზე 69 ქალი და 5 კაცი მასწავლებელია წარდგენილი.

რეგიონების მიხედვით, ყველაზე მეტი – 20 მასწავლებელია წარდგენილია თბილისიდან. ყველაზე ნაკლები, 2-2 მასწავლებელი მცხეთა-მთიანეთიდან და რაჭა-ლეჩხუმი, ქვემო სვანეთიდან.

აჭარიდან ეროვნულ ჯილდოზე სულ 8 მასწავლებელია წარდგენილი.

 

მასწავლებლის ეროვნული ჯილდო 2017 წელს დაარსდა. პირველ წელს ეროვნული ჯილდო ჩიბათის საჯარო სკოლის სამოქალაქო განათლების მასწავლებელმა ლადო აფხაზავამ მიიღო, რომელიც მასწავლებლის გლობალური ჯილდოს ათეულში გავიდა წელს. ასევე გახდა გლობალური ჯილდოს მთავარი დამფინანსებლის ვარკის ფონდის ელჩი, ხოლო 2018 წელს, ეროვნული ჯილდო ბაღდათის მე-2 საჯარო სკოლის ინგლისურის მასწავლებელმა მანანა კაპეტივაძემ მიიღო.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com