„სოკარ ჯორჯია გაზის“ ინფორმაციით, ქალაქ ბათუმსა და ხელვაჩაურში აბონენტებისთვის ბუნებრივი აირის მიწოდება დღის მეორე ნახევრიდან იგეგმება.
„მიმდინარეობს აღდგენითი სამუშაოები და გაზის მიწოდებას დღის 4 საათიდან ვგეგმავთ. ვფიქრობთ, დღეს, 9 მაისს, დღის ბოლომდე გაზის მიწოდება აღუდგება ყველა აბონენტს ბათუმსა და მის მიმდებარე ტერიტორიებზე, სადაც გუშინ, მილის დაზიანების გამო, გაზის მიწოდება შეწყდა,“ – გვითხრეს „სოკარ ჯორჯია გაზის“ ცხელ ხაზზე.
გაზის ცენტრალური მილსადენი რეფერალურ კლინიკასთან 8 მაისს ერთ-ერთმა სამშენებლო კომპანიამ ნიადაგის ბურღვის დროს დააზიანა.
შინაგან საქმეთა სამინისტროს ინფორმაციით, გამოძიება დაიწყო სისხლის სამართლის კოდექსის 188-ე მუხლით, რაც სხვისი ნივთის გაუფრთხილებლად დაზიანებას ან განადგურებას გულისხმობს.
ამ თემაზე:
