ბათუმში, ბაგრატიონის ქუჩაზე, გაზის ცენტრალური მილსადენი დაზიანდა. ამ დროისთვის [15:40] ადგილზე სპეციალისტები მუშაობენ, გადაკეტილია ქუჩა.
„უსაფრთხოების მიზნით, მთელი ბათუმი მალე სრულიად გამოირთვება… გაზის მიწოდება ხვალ [დილიდან] ეტაპობრივად აღდგება, მაგრამ ორი დღე დაგვჭირდება სავარაუდოდ,“ – გვითხრა „სოკარ ჯორჯია გაზის“ აჭარის რეგიონული ოფისის დირექტორმა, ვახტანგ ბერიშვილმა.
ბერიშვილის თქმით, ცენტრალური მილსადენი რეფერალურ კლინიკასთან ახლოს, ერთ-ერთმა სამშენებლო კომპანიამ ნიადაგის ბურღვის დროს დააზიანა.
„სოკარ ჯორჯია გაზის“ აჭარის ოფისის დირექტორი ასევე მოუწოდებს მოსახლეობას, უსაფრთხოების მიზნით გაზქურები გადაკეტონ.
შინაგან საქმეთა სამინისტროს ინფორმაციით, გამოძიება დაიწყო სისხლის სამართლის კოდექსის 188-ე მუხლით დაიწყო, რაც სხვისი ნივთის გაუფრთხილებლად დაზიანებას ან განადგურებას გულისხმობს.
