მთავარი,სიახლეები

კვადროციკლების მფლობელები აქციებს წყვეტენ

01.05.2019 •
კვადროციკლების მფლობელები აქციებს წყვეტენ

დღეს, პირველ მაისს, კვადროციკლების მფლობელები აჭარის მთავრობის ადმინისტრაციის წარმომადგენლებს შეხვდნენ. შეხვედრა რამდენიმე წუთის წინ დასრულდა.

შეხვედრიდან გამოსულმა კვადროციკლების მფლობელებმა ჟურნალისტებთან განაცხადეს, რომ ისინი საპროტესტო აქციებს დღეს შეწყვეტენ, რადგან შეთანხმება მიღწეულია. კვადროციკლები ძველი ბულვარის ნაცვლად ახალი ბულვარის ტერიტორიაზე იმოძრავებენ.

„რა როგორ გაკეთდება, თუ რა ლოკაციები იქნება, ამას გადავწყვეტთ მუშაობის პროცესში, თუმცა საბოლოო შეთანხმება მიღწეულია და კვადროციკლები ახალი ბულვარის ტერიტორიაზე განთავსდება. ძველი ბულვარის ტერიტორია გამოირიცხა, თუმცა აქციებს დღესვე შევწყვეტთ,“- ამბობს მოლაპარაკებაში მონაწილე გიორგი ჩხაიძე.

ბათუმის საკრებულოს გადაწყვეტილებით, პირველი მაისიდან ძველი ბულვარის ტერიტორიაზე აიკრძალა კვადროციკლების მოძრაობა. ამ გადაწყვეტილებას კვადროციკლების მფლობელები აქციებით შეხვდნენ, ისინი აცხადებდნენ, რომ ამით მათ ბიზნესს საფრთხე ექმნებოდა.

გადაბეჭდვის წესი


ასევე: