სად რა ღონისძიებებია დაგეგმილი დღეს, 28 აპრილს, ბულვარში – ბათუმობა 2019


ბათუმობასთან დაკავშირებით ღონისძიებები ძველ ბულვარში დღეს, 28 აპრილს 12:00 საათიდან დაიწყო და 29 აპრილის 02:00 საათამდე გაგრძელდება.

ბათუმის მერიის ინფორმაციით ძველი ბულვარის ტერიტორიაზე წარმოდგენილი იქნება დამეგობრებული ქალაქების კუთხე,
ხელნაკეთი ნივთების გამოფენა-გაყიდვა, საბავშვო კუთხე, სპორტული ღონისძიებები, კინო ბათუმში – ფილმების ჩვენება და ფოტოგამოფენა, წიგნების კუთხე, ფრანების შოუ, თითების თეატრი.

საზაფხულო თეატრის წინ არსებულ სცენაზე გაიმართება კონცერტი, დაიდგმება მიუზიკლი Welcome To Georgia.

21:00 საათზე ბულვარის კოლონადებთან გრანდიოზული გალაკონცერტი გაიმართება, რომელსაც დიჯეი დაასრულებს.

ბათუმობის დღესასწაულთან დაკავშირებით, დღეს, 28 აპრილს, მთელი დღის განმავლობაში მუნიციპალური ტრანსპორტი უფასოდ ემსახურება მგზავრებს. ასევე, ადგილობრივ მოსახლეობასა და ჩამოსულ სტუმრებს 12:00-დან 22:00 საათამდე უფასოდ მოემსახურება სასეირნო მატარებელი, რომელიც იმოძრავებს ბათუმის ბულვარის ცენტრალური შესასვლელიდან ახალი ბულვარის მიმართულებით.

დღეს, 28 აპრილს, 09:00-დან 19:00 საათამდე, ვიზიტორებისთვის შესვლა თავისუფალი იქნება ბათუმის ბოტანიკურ ბაღში.

ბათუმობასთან დაკავშირებუილი ღონისძიებები ბულვარში:

წყარო: ბათუმის მერია

ამ თემაზე:

„ბათუმობის“ სამზადისი – როდის, სად და რა გელოდებათ ხვალ, 28 აპრილს ბათუმში

ქალაქის მერიის ინფორმაციით, „ბათუმობა 2019“-ის გამართვის თარიღი, 28 აპრილი, უკავშირდება ბათუმისათვის ქალაქის სტატუსის მინიჭებას: „1885 წელს ბათუმის 90-მა მცხოვრებმა წერილობით მიმართა კავკასიის სამოქალაქო ნაწილის უფროსს, ბათუმისათვის ქალაქის სტატუსის მინიჭების თაობაზე. 1888 წლის 28 აპრილს ბათუმს ქალაქის სტატუსი მიენიჭა“.

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com