ხანძარი ბათუმში, ძველ სინაგოგასთან მდებარე შენობაში


დღეს, 22 აპრილის საღამოს, 9 მარტის ქუჩაზე, ძველი სინაგოგის ეზოში მდებარე დამხმარე სათავსოში ხანძარი გაჩნდა.

როგორც „ბათუმელებს“ სახანძრო სამსახურში უთხრეს, შენობაში იყო ლეიბები და როგორც ჩანს, აქ უსახლკარო ადამიანები ათევდნენ ღამეს. მეხანძრეების თქმით, ხანძრის შედეგად დაზიანდა შენობის სახურავი, დაახლოებით 15 კვ მეტრი. სახანძრო სამსახურის ინფორმაციით, ხანძარის კერა ამჟამად ლიკვიდირებულია.

ხანძრის შედეგად არავინ დაზარალებულა.

ძველი სინაგოგას შენობაზე, რომელსაც ძეგლის სტატუსი აქვს, მეხანძრეების თქმით, ცეცხლი არ გადასულა.

______________

მთავარ ფოტოზე: კადრი ხანძრის ამსახველი პირდაპირი ჩართვიდან ფეისბუქზე

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com