სოლიდარობა პანკისს – ბათუმში, ევროპის მოედანზე აქცია იგეგმება


სოლიდარობა პანკისს! – დღეს, 21 აპრილს ბათუმში, ევროპის მოედანზე აქციაა დაგეგმილი. საინიციატივო ჯგუფში აცხადებენ, რომ ევროპის მოედანზე დღეს, 19:00 საათიდან შეიკრიბებიან.

პოლიცია და ადგილობრივები დღეს, 21 აპრილს, პანკისის ხეობაში ერთმანეთს დაუპირისპირდნენ. მოსახლეობა ეწინააღმდეგება ხეობაში ჰესის მშენებლობას. დაპირისპირების შედეგად დაზიანებულია პოლიციის მანქანები და ჰესის მშენებელი კომპანიის კუთვნილი სამშენებლო ტექნიკა. პოლიციამ გამოიყენა ცრემლსადენი გაზი და რეზინის ტყვიები, ადგილობრივებმა კი სამართალდამცავებს ქვები დაუშინეს.

დაშავებულები არიან როგორც სამართალდამცავები, ისე – ადგილობრივები. მოსახლეობა ხეობიდან სპეცრაზმელთა გაყვანას ითხოვს.

აქცია დაგეგმილიოა თბილისშიც, პარლამენტის შენობასთან.

“სოლიდარობა პანკისს” – 19:00 საათზე თბილისში აქცია გაიმართება

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com