დაჟანგული „პაბედა“ სამინისტრომ ამჯერად 10 080 ლარად გაყიდა


1953 წელს გამოშვებული „პაბედა“ აჭარის ფინანსთა და ეკონომიკის სამინისტრომ ამჯერად 10 080 ლარად გაყიდა. სამინისტროს ინფორმაციით, განმეორებით აუქციონზე ყველაზე მაღალი ფასი ფიზიკურმა პირმა ნანა ფარჩუკაშვილმა დააფიქსირა. აუქციონში გამარჯვებულმა თანხა 30 დღის განმავლობაში უნდა გადაიხადოს და ავტომანქანა წაიღოს.

„პაბედა“, რომლის საწყისი ფასი 600 ლარი იყო, 474-ე ბიჯზე გაიყიდა. აუქციონში ექვსი მყიდველი მონაწილეობდა. ვაჭრობის ბიჯი კი 20 ლარი იყო.

წინა აუქციონზე ავტომანქანის გაყიდვის საბოლოო ფასი 12 255 ლარი დაფიქსირდა, თუმცა გამარჯვებულმა „ობო მოტორსიმ“ „პაბედას“ შეძენაზე უარი თქვა.

გაყიდული „პაბედის“ აღწერილობა: „ავტოსატრანსპორტო საშუალება არის არამუშა მდგომარეობაში, აღენიშნება დიდი რაოდენობით ჟანგვა, ვიზუალურად არადამაკმაყოფილებელია, დაზიანებული აქვს სავალი ნაწილი და ძრავი. სახელმწიფო ნომერი: ავტომანქანა   „GAZ M20 POBEDA“ [სახელმწიფო ნომერი: BB 194 BT, საიდენტიფიკაციო N; 40842, ძრავის საიდენტიფიკაციო N: 258972, გამოშვების წელი: 1953].

სამინისტროს კიდევ ერთი „პაბედა“ აქვს.

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com