ბათუმველოს ბარათის შეძენას ქალები დღეს, რვა მარტს, ნახევარ ფასად შეძლებენ.
დღევანდელი 50 %-იანი ფასდაკლებით ერთწლიანი ბარათის ფასი 10 ლარია, ათდღიანი ბარათისა კი – 5 ლარი.
ველოსიპედით ერთი საათით სარგებლობის ფასი 2 ლარს შეადგენს.
აქციის გარეშე ერთწლიანი ბარათი 20 ლარი ღირს (10 ლარი ბარათის ღირებულება, 10 ლარი ირიცხება ანგარიშზე).
ათდღიანი ბარათის ფასი კი 10 ლარია (4ლარი ბარათის ღირებულება, 6 ლარი ირიცხება ანგარიშზე).
ბათუმველოს ბარათის შეძენა და ბალანსის შევსება შესაძლებელია ბულვარის ცენტრალურ შესასვლელში მდებარე ტურისტულ საინფორმაციო ცენტრში. ბარათის შეძენისას საჭიროა თან გქონდეთ პირადობის მოწმობა.
