ნეტგაზეთი • RU

ბათუმის რა ქუჩებზე დაამატა 6 ახალი ველოსადგომი „ბათუმველომ“

ბათუმის ტერიტორიაზე განთავსებულ „ბათუმველოს“ 17 ველოსადგომს 6 ახალი ადგილი დაემატა.

აქამდე ველოსადგომების უმრავლესობა ბათუმის ბულვარის ტერიტორიაზე იყო განთავსებული, რაც აფერხებდა ბულვარის გარეთ ველოსიპედებით სარგებლობის შესაძლებლობას, ახლა კი ველოსადგომები ქალაქის ტერიტორიაზე, დასახლებულ ნაწილშია განთავსდა, რაც შესაძლებელს ხდის „ბათუმველოს“ ველოსიპედი ბულვარის გარეთ, თუნდაც ჭავჭავაძის ქუჩაზე დააპარკინგოთ.

ახალი ველოსადგომების მისამართებია:

  • ჭავჭავაძისა და მელიქიშვილის ქუჩების კვეთა
  • ბარათაშვილისა და ზუბალაშვილის ქუჩების კვეთა
  • ჭავჭავაძისა და ლერმონტოვის ქუჩების კვეთა
  • გორგილაძისა და გრიბოედოვის ქუჩების კვეთა
  • ფარნავაზ მეფისა და ჰაიდარ აბაშიძის ქუჩების კვეთა, „დონასთან“
  • ინასარიძის ქუჩა, „ვილმარტის“ მიმდებარედ

ბათუმის ქუჩებში ველოსიპედით გადაადგილებისთვის მთავარ ბარიერს ველობილიკებზე მასიურად პარკირებული ავტომობილები ქმნის. ამ დარღვევისთვის ყოველდღიურად საშუალოდ მხოლოდ ათამდე მძღოლი ჯარიმდება. ველობილიკზე პარკირებისთვის ჯარიმა 50 ლარია.

„ბათუმველო“

„ბათუმველო“

„ბათუმველო“

„ბათუმველო“

„ბათუმველო“

„ბათუმველო“

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან