მთავარი,სიახლეები

„ლუჟკოვის სახლის“ ადგილზე „ალიანს სიტის“ სამი ცათამბჯენის აშენება სურს

05.03.2019 • 2856
„ლუჟკოვის სახლის“ ადგილზე „ალიანს სიტის“ სამი ცათამბჯენის აშენება სურს

ბათუმში, რუსთაველის ქუჩის გაგრძელებაზე, ე.წ. ლუჟკოვის სახლის ნაცვლად, კომპანია „ალიანს სიტი“ სამი ცათამბჯენის აშენებას გეგმავს – ამის შესახებ ინფორმაცია დღეს ბათუმის მერიის ქალაქმშენებლობისა და ურბანული პოლიტიკის სამსახურის ხელმძღვანელმა მირიან მეტრეველმა დაადასტურა. მისივე ინფორმაციით, კომპანია ერთი 50-სართულიან და ორ 40-45-სართულამდე სიმაღლის შენობების აშენებას გეგმავს.

კომპანია ითხოვს, ამ კონკრეტულ მიწის ნაკვეთს მერიამ ზონის სტატუსი შეუცვალოს და კ2 კოეფიციენტი 15,0-მდე გაზარდოს. მიწის ნაკვეთის მთლიანი ფართობი 18 000 კვადრატული მეტრია. პროექტის ფუნქციური დატვირთვა საცხოვრებელი ზონის სტატუსის შეცვლას და საზოგადოებრივ-საქმიანი ზონის სტატუსის მინიჭებას ითვალისწინებს.

დღეს საკრებულომ მხარი დაუჭირა ამ ტერიტორიაზე გენგეგმის მომზადების მიზნით ადმინისტრაციული წარმოების დაწყებას. ოპოზიციამ კი ისაუბრა იმაზე, რომ ახალმა პროექტმა ზღვის ხედი არ უნდა გადაკეტოს.

კომპანია „ალიანს სიტის“ ასივე პროცენტს „ალიანს ჯგუფის“ დამფუძნებლის, გიორგი ბიწაძის მეუღლე მედეა ბოჭორიშვილი ფლობს.

კომპანია ალიანს სიტი „ლუჟკოვის სახლის“ დანგრევას და ახალი მშენებლობის წამოწყებას გეგმავს

გადაბეჭდვის წესი


ასევე: