ორი ავტოსაგზაო შემთხვევა ბათუმში, ჰაიდარ აბაშიძისა და ჩაიკოვსკის ქუჩების კვეთაში დღეს, 4 მარტს, მოხდა. ერთ შემთხვევაში ორი მსუბუქი ავტომანქანა შეეჯეხა ერთმანეთს, შემდეგ მსუბუქი ავტომანქანა – მიკროავტობუსს.
ავარიის ამსახველი ფოტოები სოციალურ ქსელ „ფეისბუქში“ მოქალაქემ გამოაქვეყნა და „შესაბამის სამსახურებს“ პრობლემის მოგვარებისკენ მოუწოდა. იგი წერს, რომ მოსახლეობამ ხელმოწერებით მერიას უკვე მიმართა და ისინი ე.წ. მწოლიარე პოლიციელების ქუჩაში განთავსებას ითხოვენ.
ბათუმის მერიის კეთილმოწყობის სამსახურში გვითხრეს, რომ ეს ადგილი შესწავლილია და მერიამ საპატრულოსგან „მწოლიარე პოლიციელების“ მოწყობის ნებართვა უკვე მიიღო. კეთილმოწყობის სამსახურის პრესცენტრის ინფორმაციით, ჩაიკოვსკისა და ჰაიდარ აბაშიძის ქუჩების კვეთაში „მწოლიარე პოლიციელის“ მოსაწყობად სატენდერო პროცედურა უკვე დაწყებულია.
ავარია. ფოტო: თინა ჭკუასელი
