ივანიშვილის პარკში გადასატანად ხეებს ამჯერად ბათუმში თხრიან [ფოტო]

ბათუმში, თამარ მეფის გამზირთან ახლოს, მარკოზ აჭარელის მესამე შესახვევში ორ მრავალწლოვან ხეს თხრიან. ხეები შეკვეთილში უნდა გადაიტანონ, სადაც ბიძინა ივანიშვილი დენდროლოგიურ პარკს აშენებს.

როგორც ადგილზე ერთ-ერთმა მუშამ გვითხრა, თუ მოხერხდა, ხეების ერთად გადატანაა დაგეგმილი. ხეებს ჯერ რკინიგზაზე გადაიტანენ, შემდეგ თამარ მეფის გამზირიდან პლაჟზე და ზღვით წაიღებენ. კონკრეტულად როდისთვისაა დაგეგმილი ხეების გადატანა, ადგილზე ვერ გვითხრეს. ამ ტერიტორიაზე ხეები ადრეც ამოთხარეს და შეკვეთილში გადაიტანეს.

მიწის ნაკვეთი, სადაც ხეებს თხრიან, საკადასტრო რუკის მიხედვით კერძო საკუთრებაში არ არის, თუმცა ის რეესტრში არც სახელმწიფო საკუთრებადაა რეგისტრირებული.

ბათუმში, მარკოზ აჭარელის მესამე შესახვევში ორ მრავალწლოვან ხეს თხრიან შეკვეთილში გადასატანად / 4.03.2019 / გურამ მურვანიძის ფოტოები /

ბათუმში, მარკოზ აჭარელის მესამე შესახვევში ორ მრავალწლოვან ხეს თხრიან შეკვეთილში გადასატანად / 4.03.2019 / გურამ მურვანიძის ფოტოები /

ბათუმში, მარკოზ აჭარელის მესამე შესახვევში ორ მრავალწლოვან ხეს თხრიან შეკვეთილში გადასატანად / 4.03.2019 / გურამ მურვანიძის ფოტოები /

ბათუმში, მარკოზ აჭარელის მესამე შესახვევში ორ მრავალწლოვან ხეს თხრიან შეკვეთილში გადასატანად / 4.03.2019 / გურამ მურვანიძის ფოტოები /

ბათუმში, მარკოზ აჭარელის მესამე შესახვევში ორ მრავალწლოვან ხეს თხრიან შეკვეთილში გადასატანად / 4.03.2019 / გურამ მურვანიძის ფოტოები /

მარკოზ აჭარელის მესამე შესახვევში ამოთხრილ ხეებს ზღვით შეკვეთილში ამ ადგილიდან გადაიტანენ / 4.03.2019 / გურამ მურვანიძის ფოტოები /

დენდროლოგიური პარკისთვის მრავალწლოვანი ხეები ქობულეთის სოფელ ზენითიდანაც მიაქვთ. გიგანტური ხეების გადატანის გამო ალამბარი-ზენითის საავტომობილო გზაზე ელექტროგადამცემი სადენები ბოძებიდან ჩახსნეს. ამოთხრილია ბოძებიც. სადენები კი სპეციალური შეფუთვით გზის მიმდებარედ ისე გაიყვანეს, რომ ის გიგანტური ხის გატარებას ხელს ვეღარ შეუშლის. ამ გზაზე არაერთ მოჭრილ ხესაც ნახავთ.

ქობულეთის სანაპიროდან [საპატრიარქოს რეზიდენციის მიმდებარე ტერიტორიიდან] ზღვით მრავალწლოვანი ხეები შეკვეთილში თებერვლის თვის დასაწყისშიც გადაიტანეს.