Batumelebi | ბათუმის მერიის განმარტება ცენტრალურ პარკში მწვანე საფარის ჩაბეტონებაზე ბათუმის მერიის განმარტება ცენტრალურ პარკში მწვანე საფარის ჩაბეტონებაზე – Batumelebi
RU | GE  

ბათუმის მერიის განმარტება ცენტრალურ პარკში მწვანე საფარის ჩაბეტონებაზე

ბათუმის ცენტრალურ პარკში, ნურიგელის ტბასთან ახლოს ახალი საბავშვო ატრაქციონი მოაწყვეს. ატრაქციონის მიმდებარედ არსებული მწვანე საფარი მოჭრეს და მის ნაცვლად ბეტონი დაასხეს. ბათუმის მერიის განმარტებით, იმ ადგილას, სადაც ახლა ბეტონია, კაუჩუკის ზედაპირი დაიგება.

„ცენტრალურ პარკში საბავშვო სათამაშო მოედანი ეწყობა.  მონტაჟდება საბავშვო ატრაქციონი, მიმდებარე ტერიტორიაზე კი იგება კაუჩუკის საფარი. კაუჩუკის ზედაპირის მოწყობის მიზნით, დაგებულია ბეტონის საფარი, რომლის სათანადოდ გაშრობისთვის საჭიროა 6-7 დღე. საბავშვო სათამაშო მოედნის მოწყობის სამუშაოები დაახლოებით 10 დღეში უნდა დასრულდეს,“ – განმარტავს ბათუმის მერია.
სამუშაოები საიჯარო ხელშეკრულების ფარგლებში ხორციელდება და მას ფიზიკური პირი, ეკატერინე ნიკოლაიშვილი ახორციელებს.

ამავე თემაზე:

ბათუმის ცენტრალური პარკის ატრაქციონები შსს-ს თანამდებობის პირის მეუღლის ხელში გადავიდა

ნეტგაზეთის მასალების სხვა გამოცემებში გადაბეჭდვის წესი
ავტორი