მთავარი,სიახლეები

კომპანია: ბათუმში ახალი სკვერის მოწყობა დაგეგმილზე ადრე დასრულდება

27.01.2019 • 5573
კომპანია: ბათუმში ახალი სკვერის მოწყობა დაგეგმილზე ადრე დასრულდება

ბათუმში, ს. ზუბალაშვილის, ლ. ასათიანისა და დემეტრე თავდადებულის ქუჩების მიმდებარე ტერიტორიაზე სკვერის მოწყობა ხელშეკრულებით გათვალისწინებულ ვადაზე ადრე დასრულდება, ამის შესახებ „ბათუმელებს“ მშენებელ კომპანიაში უთხრეს.

ბათუმში, ხელოვნების უნივერსიტეტის უკან მდებარე ტერიტორიაზე, ახალი სკვერის მოსაწყობად ტენდერი საქალაქო ინფრასტრუქტურისა და კეთილმოწყობის სამმართველომ 1 375 451 ლარით გამოაცხადა. ტენდერში გამარჯვებულად „მონოლითი-2005“ გამოცხადდა, რომელთანაც ხელშეკრულება 2018 წლის 31 დეკემბერს გაფორმდა, ღირებულებით – 1 100 362 ლარი.

ხელშეკრულების მიხედვით, ახალი სკვერის მოწყობა 2019 წლის პირველ ივლისამდე უნდა დასრულდეს, თუმცა კომპანია სკვერის მოწყობას თვენახევრით ადრე გეგმავს.

„სადღაც 2019 წლის მაისის შუა რიცხვებში დავასრულებთ ალბათ სკვერის მოწყობას. ყველაფერი ზუსტად ისე კეთდება, როგორც სატენდერო პირობებით და პროექტით არის გათვალისწინებული,“ – ამბობს მერაბ დოლიძე, „მონოლითი-2005“-ის დირექტორი.

მშენებარე სკვერის მიმდებარედ ბათუმის მერია უახლოეს დღეებში ახალი სერვისცენტრის გახსნასაც გეგმავს, რომლის მშენებლობაც დასრულებულია.

ტერიტორია, სადაც სკვერის მოწყობის სამუშაოები მიმდინარეობს / 26.01.2019

ახალი სკვერის მაკეტი / პროექტიდან

 

გადაბეჭდვის წესი


ასევე: