Batumelebi | კვლევა: რუსეთის მოსახლეობის გამოკითხულთა უმრავლესობა მთავრობის დათხოვნის მომხრეა კვლევა: რუსეთის მოსახლეობის გამოკითხულთა უმრავლესობა მთავრობის დათხოვნის მომხრეა – Batumelebi
RU | GE  

კვლევა: რუსეთის მოსახლეობის გამოკითხულთა უმრავლესობა მთავრობის დათხოვნის მომხრეა

2018 წლის დეკემბრის გამოკითხვების შედეგად რუსეთის მოსახლეობის 53% მხარს მედვედევის მთავრობის დათხოვნას უჭერს – სოციოლოგიური გამოკითხვის შედეგები „ლევადა-ცენტრმა“ გამოაქვეყნა, ინფორმაციას BBC ავრცელებს.

კრემლის მოწინააღმდეგე 53 % მაქსიმალური მაჩვენებელია იმ დროის განმავლობაში, რაც ეს ორგანიზაცია ქვეყნის მასშტაბით ატარებს სოციოლოგიურ კვლევებს.

რუსეთის მთავრობის დათხოვნის მომხრე იქნებოდით თუ მოწინააღმდეგე? – ეს გამოკითხვა„ლევადა-ცენტრმა“  2002 და 2012 წლებშიც ჩაატარა. ამ პერიოდში რუსეთში იყო 2008 წლის ფინანსური კრიზისი და არჩევნების დარღვევების წინააღმდეგ საპროტესტო აქციები მიმდინარეობდა 2011 წლის ბოლოსა და 2012-ის პირველ ნახევარში.

„ლევადა-ცენტრი“ აქვეყნებს ასევე გამოკითხვის შედეგებს იმის თაობაზე, თუ კონკრეტულად რითაა უკმაყოფილო მოსახლეობა და რა არ მოსწონს ხალხს რუსეთში მინისტრთა კაბინეტის საქმიანობაში.

რუსეთის მოსახლეობა ხელისუფლების მიმართ უკმაყოფილობას ძირითადად სოციალურ-ეკონომიკური პრობლემების მოუგვარებლობის გამო გამოთქვამს. გამოკითხვა 2018 წლის 13-19 დეკემბერს ჩატარდა 136 სხვადასხვა დასახლებულ პუნქტში როგორც ქალაქად, ასევე სოფლად. გამოიკითხა რუსეთის 1600 მოქალაქე.

რა არის თქვენი ძირითადი პრეტენზია ხელისუფლების მიმართ? – ამ კითხვაზე 2018 წელს გამოკითხულთა პროცენტული რაოდენობა ასე გადანაწილდა:

ამავე არასამთავრობო ორგანიზაციის- „ლევადა ცენტრის“ 2018 წლის ნოემბრის სოციოლოგიური გამოკითხვის შედეგად გამოკითხული რუსეთის  მოსახლეობის ნახევარზე მეტმა, 55%-მა მიიჩნია, რომ ქვეყანაში შექმნილ პრობლემებსა და ფასების ზრდაზე ძირითადი პასუხისმგებლობა ვლადიმერ პუტინს ეკისრება.

გამოკითხულთა 37%-მა ქვეყანაში შექმნილ პრობლემებსა და ფასების ზრდაზე პასუხისმგებლად ხელისუფლება და მინისტრთა საბჭო დაასახელა, 21%-მა კი, პრემიერ- მინისტრი, დიმიტრი მედვედევი.

პოლიტოლოგი კონსტანტინე კალაჩევი გამოკითხვის შედეგებს კრემლის ოფიციალური ინფორმაციის საპირისპირო სურათად მიიჩნევს, რის მიხედვითაც  პუტინი ტრადიციულად მხოლოდ დადებით მოვლენებზეა პასუხისმგებელი.

პუტინისა და მედვედევის ხელისუფლების რეიტინგი რუსეთის მოსახლეობაში მკვეთრად დაეცა 2018 წლის ივნისში დაანონსებული საპენსიო რეფორმის შემდეგ. რეფორმა საპენსიო ასაკის ეტაპობრივ ზრდას ითვალისწინებს – ქალები რუსეთში პენსიას სამომავლოდ 55-ის ნაცვლად 60 წლიდან მიიღებენ, მამაკაცები კი 60-ის ნაცვლად 65 წლიდან.

ნეტგაზეთის მასალების სხვა გამოცემებში გადაბეჭდვის წესი
ავტორი
თამარ ნერგაძე არის "ბათუმელების" რეპორტიორი 2017 წლის ოქტომბრიდან. ტელ.: 568 81 41 75 / E-mail.: tamarnergadze123@gmail.com