Batumelebi | მძიმეა ქარის შედეგად აგლეჯილი სახურავის ქვეშ მოყოლილი მერიის თანამშრომლის მდგომარეობა მძიმეა ქარის შედეგად აგლეჯილი სახურავის ქვეშ მოყოლილი მერიის თანამშრომლის მდგომარეობა – Batumelebi
RU | GE  

მძიმეა ქარის შედეგად აგლეჯილი სახურავის ქვეშ მოყოლილი მერიის თანამშრომლის მდგომარეობა

აჭარის ჯანდაცვის სამინისტროს ინფორმაციით, ჭავაჭავაძის ქუჩაზე, ქარის შედეგად მრავალბინაიანი საცხოვრებელი სახლის სახურავის ჩამოვარდნის შედეგად ერთ-ერთი დაშავებული ბათუმის მერიის თანამშრომელია. მისი მდგომარეობა მძიმეა.

ის შემთხვევის ადგილზე სამსახურეობრივი მოვალეობის შესასრულებლად მივიდა.

მრავალბინაიანი საცხოვრებელი სახლიდან სახურავის ჩამოვარდნის შედეგად მეორე დაშავებულს, რომელიც, „ბათუმელების“ ინფორმაციით, მერიის დაშავებული თანამშრომლის ბიძაშვილია, აქვს მრავლობითი მოტეხილობა. მას ამ წუთებში ოპერაცია უტარდება. მის სიცოცხლეს საფრთხე არ ემუქრება.

ცხრასართულიანი კორპუსიდან აგლეჯილი სახურავის ნაწილი მეორედ მაშინ ჩამოვარდა, როცა მაშველები გზის სავალ ნაწილს და ტროტუარს ადრე ჩამოვარდნილი სახურავის ნარჩენებისგან ასუფთავებდნენ. იქვე იმყოფებოდნენ რიგითი მოქალაქეებიც. სწორედ ამ დროს დაშავდა მერიის თანამშრომელი.

ძლიერი ქარის გამო, ბათუმში, ჭავჭავაძის ქუჩაზე, ცხრასართულიანი  საცხოვრებელი სახლის სახურავიდან თუნუქის ფურცლებისა და ხის მასალების ჩამოვარდნის შედეგად დაშავდა ორი მოქალაქე და დაზიანდა ორი ავტომანქანა.

ბათუმში ქარმა საცხოვრებელ კორპუსს სახურავი გადახადა, რომლის ქვეშ ადამიანები მოექცნენ

ნეტგაზეთის მასალების სხვა გამოცემებში გადაბეჭდვის წესი
ავტორი