Batumelebi | ბათუმში სახურავის ჩამოვარდნის შედეგად დაშავებული 2 პირი საავადმყოფოში გადაიყვანეს ბათუმში სახურავის ჩამოვარდნის შედეგად დაშავებული 2 პირი საავადმყოფოში გადაიყვანეს – Batumelebi
RU | GE  

ბათუმში სახურავის ჩამოვარდნის შედეგად დაშავებული 2 პირი საავადმყოფოში გადაიყვანეს

აჭარის ჯანდაცვის სამინისტროს ინფორმაციით, ბათუმში, ჭავჭავაძის ქუჩაზე ძლიერი ქარის შედეგად ჩამოვარდნილმა სახურავმა ორი პირი დააზიანა. ისინი ჩამოვარდნილი სახურავის ქვეშ მოექცნენ, მათ შორის ერთი „მედცენტრში“, მეორე კი ბათუმის რეფერალურ საავადმყოფოში გადაიყვანეს.

ცხრასართულიანი კორპუსიდან აგლეჯილი სახურავის ნაწილი მეორედ მაშინ ჩამოვარდა, როცა მაშველები გზის სავალ ნაწილს და ტროტუარს ადრე ჩამოვარდნილი სახურავის ნარჩენებისგან ასუფთავებდნენ. იქვე იმყოფებოდნენ რიგითი მოქალაქეებიც.

ბათუმის სასწრაფო სამედიცინო სამსახურის ინფორმაციით, დაშავებულების მდგომარეობა კრიტიკული არ არის.

რაც შეეხება ჭავჭავაძის ქუჩას, შესაბამისი სამსახურები ამ დრომდე ათავისუფლებენ მოგლეჯილი ხეებისა და სახურავის ნარჩენებისგან ჩახერგილ გზის სავალ ნაწილს. ჭავჭავაძის ქუჩა ამ მონაკვეთში გადაკეტილია.

ბათუმში უკვე დაიწყო წვიმა [18:15]. სინოპტიკოსების ვარაუდით, წვიმის შემდეგ ქარი ჩადგება.

ნეტგაზეთის მასალების სხვა გამოცემებში გადაბეჭდვის წესი
ავტორი