დღეს, 27 დეკემბერს, დილით, დაახლოებით 8:30 წუთზე, ბათუმს შემოერთებულ ტერიტორიაზე, კლინიკა „მედინას“ მიმდებარედ, ორმოცდაათ წლამდე ასაკის ქალს სამარშრუტო ტაქსი დაეჯახა, ის საავადმყოფოში გადაიყვანეს.
ინფორმაცია „ბათუმელებს“ თვითმხილველმა მოაწოდა.
შს სამინისტროს ინფორმაციით, გამოძიება სისხლის სამართლის კოდექსის 276-ე მუხლის პირველი ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.
