Batumelebi | ბათუმის საკრებულოს ფრაქცია „ქართული ოცნება“ მოსახლეობას საქმიანობის ანგარიშს წარუდგენს ბათუმის საკრებულოს ფრაქცია „ქართული ოცნება“ მოსახლეობას საქმიანობის ანგარიშს წარუდგენს – Batumelebi

ბათუმის საკრებულოს ფრაქცია „ქართული ოცნება“ მოსახლეობას საქმიანობის ანგარიშს წარუდგენს

25 დეკემბერს, 12:00 სთ-ზე, ბათუმის მუნიციპალიტეტის საკრებულოს ფრაქცია „ქართული ოცნება – დემოკრატიული საქართველო“ ბათუმის ხელოვნების სასწავლო უნივერსიტეტში საზოგადოებას საკუთარი საქმიანობის ერთი წლის ანგარიშს წარუდგენს.

შეხვედრაზე ფრაქციის თავმჯდომარე და მოადგილე ისაუბრებენ წლის განმავლობაში გაწეულ საქმიანობაზე, შეაჯამებენ ინიციატივებს, მოსახლეობასთან გამართულ შეხვედრებს და განიხილავენ ფრაქციის სამომავლო გეგმებს.

ანგარიშის შემდეგ შეხვედრა კითხვა-პასუხის რეჟიმში გაგრძელდება. აღნიშნულ ღონისძიებას საკრებულოს წევრები, არასამთავრობო ორგანიზაციებისა და მედიის წარმომადგენლები, ასევე, სხვა, დაინტერესებული პირები დაესწრებიან. აუდიტორიას საშუალება ექნება, მოისმინოს ფრაქციის ანგარიში, მონაწილეობა მიიღოს დისკუსიაში და საკუთარი რეკომენდაციები მიაწოდოს არჩეულ თანამდებობის პირებს.

შეხვედრაზე დასწრება თავისუფალია.

აღნიშნულ ღონისძიებას ბათუმის მუნიციპალიტეტის საკრებულო ეროვნულ დემოკრატიული ინსტიტუტის (NDI) ადგილობრივი თვითმმართველობის პროგრამის ფარგლებში ახორციელებს. პროგრამა დაფინანსებულია აშშ-ის საერთაშორისო განვითარების სააგენტოს (USAID) მიერ.

მისამართი: ბათუმი, ვახტანგ გორგასლის ქუჩა #53.

 

ნეტგაზეთის მასალების სხვა გამოცემებში გადაბეჭდვის წესი
ავტორი