გაზის დასრულებული პროექტის პრეზენტაცია სოფელ თხილნარში

აჭარის მთავრობის თავმჯდომარემ, თორნიკე რიჟვაძემ და კომპანია „სოკარ ჯორჯია გაზის“ გენერალურმა დირექტორმა ვახტანგ ბერიაშვილმა ხელვაჩაურის მუნიციპალიტეტის სოფელ თხილნარში ახლად აშენებული გაზსადენი გახსნეს. პროექტის პრეზენტაციას მუნიციპალიტეტის ხელმძღვანელი პირები ესწრებოდნენ.

აჭარის მთავრობის თავმჯდომარემ ასევე სოფლებში: ახალსოფელი, ჭარნალი და თხილნარი ახლად აშენებული გაზსადენები დაათვალიერა და სოფელ თხილნარის მკვიდრის, თენგიზ ბერიძის ოჯახში გაზქურა აანთო.

სოფლების:, ჭარნალის და თხილნარის გაზიფიცირებისთვის აშენდა 150 324 მეტრი სიგრძის საშუალო და დაბალი წნევის გაზსადენი.

,,დავათვალიერე გაზსადენის მშენებლობა ხელვაჩაურში და კომპანია „სოკარ ჯორჯია გაზის“ დირექტორთან, ვახტანგ ბერიაშვილთან ერთად სამომავლო გეგმები განვიხილე. რეგიონში მიმდინარე წელს კომპანია ,,სოკარ ჯორჯია გაზმა“ 9 500 აბონენტი უზრუნველყო ბუნებრივი აირით. აჭარის რეგიონში დღეისათვის 85 ათასი აქტიური აბონენტია, რომელთა რიცხვი მომავალ წლებში კიდევ უფრო გაიზრდება. შენდება ახალი ცენტრალური მაგისტრალი, რომელიც მაღალმთიანი აჭარის გაზიფიცირებას ემსახურება.

ბუნებრივი აირით უზრუნველყოფა ხელს შეუწყობს როგორც მოსახლეობის ეკონომიკური მდგომარეობის გაუმჯობესებას, ისე სოფლის ეკოლოგიურ გაჯანსაღებას,“- აღნიშნა თორნიკე რიჟვაძემ.

სოფლების: ახალსოფლის, ჭარნალისა და თხილნარის გაზიფიცირებისთვის აშენდა 150 324 მეტრი სიგრძის საშუალო და დაბალი წნევის გაზსადენი.

კომპანია „სოკარ ჯორჯია გაზმა“ სოფელ თხილნარში 69345 მ სიგრძის საშუალო და დაბალი წნევის გაზსადენი ააშენა, რის შედეგადაც სოფელში მცხოვრებ 1000-მდე ოჯახს ბუნებრივი აირის ქსელში ჩართვის შესაძლებლობა მიეცა.

სოფლების: ახალსოფლის, ჭარნალისა და თხილნარის გაზიფიცირებისთვის აშენდა 150 324 მეტრი სიგრძის საშუალო და დაბალი წნევის გაზსადენი. განხორციელებული სამუშაოების შედეგად, ბუნებრივი აირის მიღების შესაძლებლობა ამ სოფლებში მცხოვრებ 2000-ზე მეტ ოჯახს მიეცა.