სარფის საბაჟოზე იმ მსუბუქი ავტომობილების გადაადგილება, რომლებსაც თურქული სანომრე ნიშნები არ აქვთ, ვერ ხერხდება.
როგორც „ბათუმელებს“ შემოსავლების სამსახურში განუმარტეს, პრობლემა თურქულ მხარეს აქვს.
„ავტობუსებს და ტრაილერებს ჩვეულებრივ ატარებს. რაც შეეხება მსუბუქ ავტომობილებს, ამ დროისთვის ვერ ხერხდება თურქული მხარის მიერ არათურქულნომრიანი მანქანების იდენტიფიცირება. უცნობია, როდის აღმოიფხვრება ეს პრობლემა მათი მხრიდან,“ – ამბობენ შემოსავლების სამსახურში.
განახლება:
ბათუმში თურქეთის გენერალური საკონსულოს ცნობით, ამ დროისათვის [11:35; 26 ოქტომბერი] სარფის საბაჟოზე პრობლემა აღმოფხვრილია და მანქანები შეუფერხებლად გადაადგილდებიან.
