მთავარი,სიახლეები

გრიგოლ ვაშაძის ოთხი შეკითხვა სალომე ზურაბიშვილს

23.10.2018 • 2221
გრიგოლ ვაშაძის ოთხი შეკითხვა სალომე ზურაბიშვილს

გაერთიანებული ოპოზიციის “ძალა ერთობაშიას” პრეზიდენტობის  კანდიდატმა, გრიგოლ ვაშაძემ, დღეს, 23 ოქტომბერს, ბრიფინგი გამართა. პრეზიდენტობის კანდიდატმა “ქართული ოცნების” მიერ მხარდაჭერილ პრეზიდენტობის კანდიდატ სალომე ზურაბიშვილს ოთხი შეკითხვა დაუსვა საჯაროდ.

ვაშაძის თქმით “რამდენიმე კვირაა რაც ქვეყანა შეძრა უსამართლობის და უკანონობის მთელმა კასკადმა” და მიუხედავად იმისა, რომ ამ თემაზე საუბრობს საზოგადოება და ოპოზიცია,  “არც ერთი სიტყვა არ გაგვიგია პრეზიდენტობის სამთავრობო  კანდიდატისაგან”.

“მისგან მხოლოდ ის ვიცით, რომ ის მხარს უჭერს საქართველოს მარიხუანას პლანტაციად გადაქცევას და ასევე, ეთანხმება პუტინს და მედვედევს იმაში, რომ 2008 წლის ომი საქართველომ დაიწყო,” – აცხადებს ვაშაძე.

გრიგოლ ვაშაძის თქმით, საზოგადოებას აქვს სრული უფლება, მიიღოს პასუხები ხელისუფლების კანდიდატისგან შემდეგ შეკითხვებზე:

[checklist]

  • პარლამენტის საგამოძიებო კომისიის წევრობისას, რატომ არ მისცა მან ხმა დათუნა სარალიძის მკვლელების დასჯას?
  • რატომ არ გამოეხმაურა და რა პოზიცია აქვს ივანიშვილის კანდიდატს ციხეში გაკეთებულ მირზა სუბელიანის ფარულ ჩანაწერებზე, საიდანაც დასტურდება უკანონო, შეიარაღებული ბანდების მიერ ადამიანების გატაცება-წამება და რაც არანაკლებ მნიშვნელოვანია საზოგადოებისათვის, უკანონო გარიგება დათუნა სარალიძის საქმეზე და მის მკვლელებზე ხელის დაფარება?
  • რატომ არ გამოეხმაურა და რა პოზიცია აქვს ივანიშვილის კანდიდატს კომპანია „ომეგას“ დარეკეტებაზე და ტელეკომპანია „იბერიას“ დახურვაზე, რისი სულის ჩამდგმელი და ორგანიზატორები ივანიშვილი და ფარცხალაძე იყვნენ?
  • რატომ არ გამოეხმაურა რა პოზიცია აქვს ივანიშვილის კანდიდატს ბოლო ორი კვირის განმავლობაში მედიაში ნაჩვენებ ე.წ. ქართული ოცნების მაღალჩინოსნების სასახლეებზე, რომლებიც მათ შეიძინეს ხელისუფლებაში მოსვლის შემდეგ და რომლებიც მნიშვნელოვნად აღემატება მათ დეკლარირებულ შემოსავლებს და სავარაუდოდ შეძენილია კორუფციის გზით?

[/checklist]

“ძალა ერთობაშიას” პრეზიდენტობის  კანდიდატს სალომე ზურაბიშვილი ჯერ არ გამოხმაურებია.

გადაბეჭდვის წესი


ასევე: