თქვენი აზრით, უნდა შენდებოდეს თუ არა ბათუმში მაღალსართულიანი სახლები ზღვასთან ახლოს და ქალაქის ცენტრალურ ნაწილში? – ეს გამოკითხვა „ბათუმელებმა“ 28 სექტემბერს გამოაქვეყნა. გამოკითხვაში მონაწილეობა ანონიმური იყო და ერთი IP მისამართიდან მხოლოდ ერთხელ იყო ხმის მიცემა შესაძლებელი.
6 დღის განმავლობაში გამოკითხვაში 2000-მა ადამიანმა მიიღო მონაწილეობა. მათი უმრავლესობა მიიჩნევს, რომ ბათუმში, ზღვასთან ახლოს და ქალაქის ცენტრალურ ნაწილში ცათამბჯენები არ უნდა შენდებოდეს.
პასუხების მიხედვით, ხმები ასე გადანაწილდა:
[checklist]
- არ უნდა შენდებოდეს, არ უხდება ბათუმს ცათამბჯენები – 71 % [1423 ხმა]
- კი, უნდა შენდებოდეს, მე მომწონს – 20 % [407 ხმა]
- არ ვიცი, სპეციალისტებმა უნდა გადაწყვიტონ – 9 % [170 ხმა]
[/checklist]
გამოკითხვის შედეგები მოცემულია 2018 წლის 3 ოქტომბრის [18:30] მონაცემებით.
გამოკითხვა არ არის რეპრეზენტატული.
საზოგადოებრივი აზრის გამოკითხვას პერიოდულად მიმართავს ბათუმის მერია, მხოლოდ ნაკლებად პრობლემურ საკითხებთან დაკავშირებით, როგორიცაა, მაგალითად, ახალი ავტობუსების ფერი ან „ბათუმობის“ თარიღი.
ამავე თემაზე: