ბათუმი სექტემბრის ბოლოს [ფოტორეპორტაჟი]


ზაფხული დამთავრდა და ზღვაზე შეიძლება სულ რამდენჯერმე მოასწარი წასვლა, რუჯიც ისეთი არ გაქვს როგორიც გინდოდა, მალე ქალაქში აცივდება და ზაფხულის საზღვაო სეზონამდე ერთი ვრცელი წელი იქნება. რა გრძნობაა, როცა წარმოიდგენ, რომ სულ მალე ვერც ზღვაზე იბანავებ და მზეს და სითბოსაც დიდი ხნით გამოემშვიდობები? ალბათ ეს:

პანიკა უადგილოა. სინამდვილეში ყველაფერი ჯერ კიდევ არ არის დაკარგული, ოქტომბერი იწყება და შუადღისას მაინც ცხელა ისევ, ამ დროს ზღვაზეც ბანაობენ ან უბრალოდ ტალღებს გასქერიან.

ზღვის ხავერდოვანი პერიოდი ყველაზე სასიამოვნო დროა ბათუმში დასასვენებლად. ყველაფერი ისე როგორც ზაფხულში: ბულვაში ყველა კაფე-ბარი ღიაა, ზღვის სანაპიროსთან ახლოს თუ მოგწყურდება ყველა კუთხეშია ფორთოხლის ფრეშის დახლი, გარეთ ხალხი ისევ შორტებით და მაისურებით სეირნობს – უბრალოდ ეს მოსეირნე ხალხი ცოტაა, ქუჩები განტვირთულია და ფიქრობ, ეს დრო უფრო მოგწონს თუ ზაფხულის გამთანგველი სიცხე?

არ ვიცით შენ რა უფრო მოგწონს, მაგრამ ვეტერანთა კლუბში პენსიონერებს ნამდვილად უყვართ შემოდგომაზე დროის გარეთ გატარება. აქ ნარდს, კარტს, ჭადრაკს თამაშობენ. ახლა სიტუაცია დაძაბულია და თამაშის მონაწილეები ფიქრობენ რა სვლა გააკეთონ მოსაგებად.

ზოგი სულ არ თამაშობს, განცალკევებით ჯდომა ურჩევნია, თუმცა მაინც ხალხთან ერთად.

ისვენებს პოლიციელიც. თვალს ადევნებს ველობილიკზე მოძრავ ველოსიპედისტებს და მოპედებს. თუ ოდნავ გადაცდები ამ ბილიკს დაგიძახებს, რომ წესებს არღვევ.

ეს ერთ-ერთი კაფის მოპედებია. ჯერ გამოძახება არსად აქვთ და მფლობელებს დრო გაყავთ საუბრით.

ბულვარში გაკრეჭილი ხეების და მოცელილი ბალახის სუნი დგას. ეს ქალები ბულვარს ალაგებენ.

კანტიკუნტად სეირნობენ ტურისტები.

პორტში ქალები თევზაობენ.

ბინდდება, მაგრამ მეთევზეები მაინც არ იშლებიან.

ერთი სახლის ჭიშკარზე წარწერას თუ დავუჯერებთ, ბათუმში:

მაგრამ ამის ხანდახან არ გჯერა, როცა ქალაქში ველოსიპედით გადაადგილება გიწევს.

ველოსიპედით ველობილიკზე სეირნობისას თითქოს ხელს არაფერი უნდა გიშლიდეს მოეშვა, მაგრამ ოდნავი დაუკვირვებლობა და შეიძლება ველობილიკზე გაჩერებულ ვინმეს ჯიპს შეასკდე.

როგორც არ უნდა იყოს შემოდგომა ბათუმში, მაინც ერთ-ერთი ყველაზე სასიამოვნო პერიოდია, თბილი ამინდებით და განტვირთული ქუჩებით.

ნეტგაზეთის მასალების სხვა გამოცემებში გადაბეჭდვის წესი
ავტორი
თამარ ნერგაძე არის "ბათუმელების" რეპორტიორი 2017 წლის ოქტომბრიდან