მთავარი,რეკლამა,სიახლეები

„ამომრჩეველს არასდროს დავემალები, ნებისმიერ დროს მზად ვარ მათთან ურთიერთობისთვის“

25.09.2018 • 4409
„ამომრჩეველს არასდროს დავემალები, ნებისმიერ დროს მზად ვარ მათთან ურთიერთობისთვის“

პროფესიით ექიმი და მაღალტექნოლოგიური ჰოსპიტალ „მედცენტრის“ სამეთვალყურეო საბჭოს თავმჯდომარე მიხეილ ართმელაძე 2016 წლის ადგილობრივი თვითმმართველობის არჩევნებზე მოსახლეობამ ბათუმის საკრებულოში„ქართული ოცნების“ გონიო-კვარიათის მაჟორიტარ დეპუტატად აირჩია. იგი აჭარაში დაიბადა, თუმცა საშუალო და უმაღლესი განათლება რუსეთში მიიღო. წარმატების პიკში მყოფმა, მაინც სამშობლოში დაბრუნება არჩია.

„საქართველოდან წასვლის დღიდან არ ყოფილა წუთიც კი, სამშობლოში დაბრუნებაზე არ მეფიქრა. არა მარტო მე, ყველა ემიგრანტი ხომ ამაზე ოცნებობს. ბევრს ოცნება აუხდა და იმედია, კიდევ ბევრი ქართველი დაბრუნდება უკან“, – ამბობს იგი.

მიხეილ ართმელაძე: „სიკეთის კეთება ჩემი ყოველდღიურობაა“

მიხეილ ართმელაძე: „სიკეთის კეთება ჩემი ყოველდღიურობაა“

ამბობს, რომ ბუნებით მებრძოლია და არასოდეს გაურბის სირთულეებს: „ადამიანი თუ სირთულეებს მოერიდები, ვერაფერს მიაღწევ ცხოვრებაში. უნდა შეეცადო, თუნდაც ურთულეს პირობებში, საკუთარი თავის რეალიზება მოახდინო და ის ამოცანები ამოხსნა, რასაც ცხოვრება გისვამს. თუ დაიწყებ სირთულეებისთვის თავის არიდებას, არაფერი გამოგივა“.

პროფესიით ქირურგს დღესაც ყოველდღიური შეხება აქვს პაციენტებთან, აქტიურად არის ჩართული სამკურნალო პროცესში, თუმცა, როგორც თავად ამბობს, ყოველდღიური ოპერაციული ჩარევებისგან თავს იკავებს, რადგან ქირურგიაში რომ გაეგრძელებინა მუშაობა, „მედცენტრი“ დღეს ისეთი არ იქნებოდა, როგორიც არის.

ფაქტია, რომ ერთი მიმართულება – ონკოლოგია, მიხეილ ართმელაძემ მრავალპროფილურად აქცია.

„კომპანიამ ისე რომ იმუშაოს, როგორც ჯანსაღმა ორგანიზმმა, საჭიროა სხვადასხვა მიმართულების გაერთიანება. ონკოლოგიაში ბევრი მიმართულებაა, რადგან სადაც ქსოვილია, სადაც უჯრედია, იქ შეიძლება იყოს ავთვისებიანი სიმსივნეები. ამიტომაც შევძელით სხვადასხვა მიმართულებები შეგვეკრა“,  – ამბობს იგი.

მიხეილ ართმელაძე: „როგორც საკრებულოს დეპუტატი, მაქსიმუმს გავაკეთებ, რომ ჩემმა ამომრჩეველმაც იგრძნოს ჩემი მხარდაჭერა“

მიხეილ ართმელაძე: „როგორც საკრებულოს დეპუტატი, მაქსიმუმს გავაკეთებ, რომ ჩემმა ამომრჩეველმაც იგრძნოს ჩემი მხარდაჭერა“

მიხეილ ართმელაძეს ქველმოქმედად იცნობენ: „ადამიანმა ბევრი კარგი საქმე უნდა აკეთო, როცა ეს შეგიძლია. სიკეთის კეთება ჩემი ყოველდღიურობაა. თუ ამას თავს დაანებებ, თავად დასნეულდები…ბოროტებით“.

მისი ერთი წლის წინ არჩეული გზა – პოლიტიკა, როგორც თავად ამბობს გასავლელად იოლი არ არის.

„პოლიტიკაში არ მოვსულვარ, რადგან ვფიქრობ, რომ ქალაქის თვითმმართველობაში ყოფნა პოლიტიკის კეთება კი არა, საქმის კეთებაა. საკრებულოს წევრობა ჩემთვის ახალი გამოწვევაა. არასდროს მიფიქრია, აქ თუ აღმოვჩნდებოდი“, – ამბობს დეპუტატი.

ადგილობრივი თვითმმართველობის არჩევნებში მონაწილეობა მას იმ გუნდმა გადააწყვეტინა, რომელიც დღეს ხელისუფლებაშია და საქმის საკეთებლადაა მოსული.

სასკოლო ღონისძიებაზე სამაჟორიტარო უბანში

სასკოლო ღონისძიებაზე სამაჟორიტარო უბანში

„ამ გუნდმა შემომთავაზა, მათ გვერდით ვყოფილიყავი. რაკი ამ ქალაქში ვცხოვრობ და ბათუმზე გული შემტკივა, ბუნებრივია, მინდა მისი განვითარება და როგორც საკრებულოს დეპუტატი, მაქსიმუმს გავაკეთებ, რომ ჩემმა ამომრჩეველმაც იგრძნოს ჩემი მხარდაჭერა. მადლობელი ვარ მათი, ვინც მხარი დამიჭირა.   უბანი, სადაც კენჭს ვიყრიდი, ჩემთვის უცხო იყო, თუმცა საარჩევნო პერიოდში თითქმის ყველა ოჯახში მივედი და მათი პრობლემები შევისწავლე. ჩემს ამომრჩეველთან ჩამომიყალიბდა მეგობრული ურთიერთობა. მართალია, ყველა მათგანის პრობლემას ვერ გადავჭრი, თუმცა ვცდილობ საკითხების უმრავლესობა მოვაგვარო.  ერთადერთი პრობლემა დროის უკმარისობაა. როცა არ მძინავს, ის დრო მინდა მაქსიმალურად გამოვიყენო“, – აღნიშნა მიხეილ ართმელაძემ.

დეპუტატი ამბობს, რომ გონიო-კვარიათის მოსახლეობა ითხოვს გზას, წყალს, ელექტროენერგიის სტაბილურად მიწოდებას, სოციალური ფონის გაუმჯობესებას. მისივე თქმით, პრობლემების ნაწილი უკვე მოგვარებულია: „თითქმის აღარაა გზების პრობლემა და სადაც მოსახლეობას უგზოობა აწუხებს, ეტაპობრივად იქაც იგება გზები. ისე, ქალაქი ცოცხალი ორგანიზმია და პრობლემაც სულ იქნება, ერთს მოაგვარებ, მეორე იჩენს თავს.… ჩემი მოვალეობაა, პრობლემები, რომელიც მოსახლეობას აწუხებს, აღმასრულებელ ხელისუფლებამდე მივიტანო და ასეც არის. მთავარია არ მოდუნდე და ხალხთან ურთიერთობა არ შეწყვიტო“.

დეპუტატი არ მალავს, რომ დროის ნაკლებობას განიცდის, მაგრამ მაინც ახერხებს ამომრჩეველთან ხშირ შეხვედრას.

„თითქმის ყოველდღიური ურთიერთობა მაქვს ამომრჩეველთან, არც ჩემი ნახვაა პრობლემა. მივდივარ მათთან და მოდიან ჩემთანაც, აქ, კლინიკაში. ძირითადად, სამედიცინო საკითხებზე მომმართავენ. მჭიდრო კომუნიკაცია მაქვს გონიო-კვარიათის ადმინისტრაციულ ერთეულთან. ჩემს ამომრჩეველს არასდროს დავემალები, ნებისმიერ დროს მზად ვარ მათთან ურთიერთობისთვის“, – ამბობს იგი.

მიხეილ ართმელაძე საკრებულოს ჯანდაცვის კომისიაში მუშაობს. …

ოჯახთან ერთად

ოჯახთან ერთად

“მიუხედავად იმისა, რომ მოსახლეობა საყოველთაო ჯანდაცვით სარგებლობს, ქალაქის ბიუჯეტიდან ადამიანებს მაინც ეხმარებიან, რითაც გაცილებით ხელმისაწვდომია სამედიცინო სერვისები“, – ამბობს ბატონი მიხეილი.

დეპუტატის განცხადებით, ქალაქის ბიუჯეტი მოსახლეობაზეა ორიენტირებული, თუმცა, დასძენს, რომ ყველა პრობლემის გადასაჭრელად თანხები საკმარისი არ არის.

„ხალხი ამას გაგებით უნდა მოეკიდოს. ეტაპობრივად ყველა ის პრობლემა გადაიჭრება, რაც მოსახლეობას აწუხებს, თუმცა, ამას დრო დასჭირდება. ქალაქის განვითარებისთვის უმთავრესი გამართული საკომუნიკაციო სისტემებია – გზა, წყალი, კანალიზაცია, გარე განათება. ეს საკითხი გაცილებით რთულად ქალაქის ახლადშემოერთებულ ტერიტორიებზეა, მაგრამ, ისიც ცნობილია, რომ ქალაქის ბიუჯეტიდან ყველაზე მეტი თანხა სწორედ ინფრასტრუქტურულ სამუშაოებზე იხარჯება“, – აცხადებს დეპუტატი.

გადაბეჭდვის წესი


ასევე: