რუსული პანკ-ჯგუფის, „პუსი რაიოტის“ აქტივისტები მოსკოვში 9 სექტემბერს პოლიციამ დააკავა. როგორც რამდენიმე საათის წინ ჯგუფის წევრები ტვიტერზე წერდნენ, პოლიციამ უსაფუძვლოდ „პუსი რაიოტის“ ორი წევრი დააკავა. ვერონიკა ნიკულშინა საკუთარ მანქანას მართავდა, როცა პოლიციამ გააჩერა და მანქანის შემოწმება გადაწყვიტა. ვერონიკამ რუს პოლიციელებს ,,ტერორისტები“ უწოდა და მათ საკუთარი მანქანის შემოწმების ნება არ მისცა, რის შემდეგაც ის და ჯგუფის მეორე წევრი, პიტერ ვერზილოვი დააკავეს.
Our activist Nika says hi to everyone from behind bars of a Moscow police station – she will be spending the night here until a court hearing tomorrow. The girls have been arrested in their car for absolutely NOTHING. Moscow police is still mad after the World Cup action. pic.twitter.com/hssR6JI3d2
— ????? ???? (@pussyrrriot) September 9, 2018
ვერონიკა ნიკულშინა ივლისში მსოფლიო საფეხბურთო ჩემპიონატის მატჩზე მოედანზე გასვლისთვის დააპატიმრა რუსულმა პოლიციამ და 15 დღით ჩასვა ციხეში.
როგორც ჯგუფის წევრები ტვიტერზე წერენ, პოლიციელები „პუსი რაიოტის“ წევრების დაკავებების სერიას მსოფლიო ჩემპიონატისას მოწყობილი ანტიპუტინური აქციების გამო აგრძელებენ.
ჯგუფი უკვე დიდი ხანია პუტინის პოლიტიკას აპროტესტებს. მსოფლიო ჩემპიონატის საფეხბურთო მატჩის მიმდინარეობისას პუსი რაიოტის წევრები პოლიციელების ფორმით შეიჭრნენ. ამ ფორმით ისინი რუსეთში პოლიტპატიმრების არსებობას აპროტესტებდნენ, მათ შორის უკრაინელი რეჟისორის, ოლეგ სენცოვის უკანონო პატიმრობას.
Nika Nikulshina from Pussy Riot has just been detained by police and “anti-extremism agents” in Moscow with a friend. Free Nika and everyone else detained during today’s big protest day in Russia! pic.twitter.com/ZiJ3v8BqqE
— ????? ???? (@pussyrrriot) September 9, 2018
პუსი რაიოტის ორივე წევრი, ვერონიკა ნიკულშინა და პიტერ ვერზილოვი ამ დრომდე საპატიმროში რჩებიან.
