მთავარი,სიახლეები

მერიის პასუხი აქციის მონაწილეებს: ყველა ტრანსპორტი ცენტრალურ ქუჩაზე ვერ იმოძრავებს

07.09.2018 • 2763
მერიის პასუხი აქციის მონაწილეებს: ყველა ტრანსპორტი ცენტრალურ ქუჩაზე ვერ იმოძრავებს

დღეს, 7 სექტემბერს, ბათუმის მერიასთან შეკრებილ მოქალაქეებს მერიის საქალაქო ტრანსპორტის განყოფილების უფროსი, ემზარ ქავჟარაძე შეხვდა.

„ყველა ტრანსპორტი ცენტრალურ ქუჩაზე ვერ ივლის… რაიონის ხაზებზე ჩვენ ნებართვას არ გავცემთ, ეს რეგულირების გარეშეა,“ – უთხრა ემზარ ქავჟარაძემ აქციის მონაწილეებს.

ვინ შეცვალა სამარშრუტო ხაზი, რომლის მიხედვითაც ხელვაჩაურის სოფლებში მცხოვრებ მოქალაქეებს საზოგადოებრივი ტრანსპორტი ბაგრატიონის ქუჩაზე მიიყვანს? – ემზარ ქავჟარაძემ გვითხრა, რომ გადაწყვეტილება ბათუმის საკრებულომ მიიღო. მისი თქმით, დაკვირვების პროცესი მიმდინარეობს ახალ სამარშრუტო ხაზებზე და შესაძლებელია, ალტერნატიული ქუჩებიც შესთავაზონ.

ხელვაჩაურის მუნიციპალიტეტის ახალშენსა და განახლებაში მცხოვრები მოქალაქეები საპროტესტო აქციას განაგრძობენ. ისინი უშუალოდ ბათუმის მერთან ითხოვენ შეხვედრას. მათი თქმით, მოუხერხებელია და ამავდროულად გაორმაგებულ ხარჯთანაა დაკავშირებული ქალაქის ცენტრში მოსახვედრად ორი ტრანსპორტის გამოცვლა.

რა მარშრუტით და რამდენი მიკროავტობუსი იმოძრავებს ბათუმში – დეტალური რუკები

გადაბეჭდვის წესი


ასევე: