ბათუმის მერიასთან საპროტესტო აქცია მიმდინარეობს. ახალშენსა და განახლებაში მცხოვრები მოქალაქეები ქალაქის მერთან, ლაშა კომახიძესთან შეხვედრას ითხოვენ.
მოსახლეობა სამარშრუტო ხაზების მიმართულების შეცვლას აპროტესტებს.
„ჩვენთან დადიოდა 55 ნომერი და მოვყავდით გორგილაძის ქუჩაზე. ახლა უნდა გამოყვე 65 ნომერს და დაგტოვებს ბაგრატიონზე. ორი „მარშუტკის“ გამოცვლაა საჭირო, რომ 300-ლარიან სამსახურში მიხვიდე,”- გვითხრა ნათელა ძნელაძემ.
აქციაზე სამარშუტო ტაქსის მძღოლებიც არიან. მათი თქმით, მოძრაობა ბაგრატიონის ქუჩაზე ნაკლებია.
„ბაგრატიონის ქუჩაზე რა მინდა, ჭავჭავაძეზე და გორგილაძეზეა მოძრაობა,“ – ამბობს რამაზ იაკობაძე.
შეკრებილების თქმით, თუკი მერი მათ არ შეხვდება, ახალშენის გზას გადაკეტავენ.
