ქედის მუნიციპალიტეტში დასრულებული ინფრასტრუქტურული პროექტები


აჭარის მასშტაბით საგზაო ინფრასტრუქტურის კეთილმოწყობა გრძელდება. სამუშაოები კონკრეტულ მუნიციპალიტეტში არსებული ბიუჯეტის მიხედვით, ადგილობრივი მოსახლეობის უშუალო ჩართულობითა და ინტერესების გათვალისწინებით მიმდინარეობს.

გზების მშენებლობის პროექტები აქტიურ ფაზაშია ქედის მუნიციპალიტეტში, სადაც გასული თვის განმავლობაში ადგილობრივი მოსახლეობისთვის მართლაც მნიშვნელოვანი პროექტი დასრულდა.

დასრულებული გზა

ცხემნა-კორომხეთის დასრულებული გზა

დასრულებული სამუშაოები მიმდინარე კვირაში აჭარის ავტონომიური რესპუბლიკის მთავრობის თავმჯდომარემ, თორნიკე რიჟვაძემ, თავისი გუნდის წევრებთან ერთად პირადად მოინახულა და ანგარიშიც ჩაიბარა.

თორნიკე რიჟვაძემ მთავრობის აპარატის უფროსთან, არჩილ ჩიქოვანთან, საავტომობილო გზებისა და სამელიორაციო სისტემების მართვის დეპარტამენტის უფროსის მოვალეობის შემსრულებელთან, რაულ ბერიძესთან, ქედის მუნიციპალიტეტის მერთან, ლევან გორგილაძესთან და სხვა თანამდებობის პირებთან ერთად, ასფალტობეტონის საფარის მოწყობის დასრულებული სამუშაოები საავტომობილო გზის „ცხემნა-კორომხეთის“ მონაკვეთზე დაათვალიერა.

დასრულებული მონაკვეთი თორნიკე რიჟვაძემ დაათვალიერა

დასრულებული პროექტი თორნიკე რიჟვაძემ თავისი გუნდის წევრებთან ერთად  მოინახულა

აღნიშნული პროექტის ფარგლებში მოეწყო 8068 კვ/მ ორფენიანი ასფალტობეტონის საფარი, 8 ერთეული 54 გრძივი მეტრი ბეტონის საყრდენი კედელი, 4 ერთეული 83 გრძივი მეტრი გაბიონი, 56 გრძივი მეტრი ლითონის მილი, 1024 გრძივი მეტრი რკინა-ბეტონის კიუვეტი, 295 გრძივი მეტრი პარაპეტი და აშენდა ერთი ახალი ხიდი.

პროექტის სახელშეკრულებო ღირებულებამ 750 515 ლარი შეადგინა.

ქედის მუნიციპალიტეტში მახუნცეთი-ბზუბზუს საავტომობილო გზის მონაკვეთზე ბეტონის საფარის მოწყობის სამუშაოები კი, საავტომობილო გზებისა და სამელიორაციო სისტემების მართვის დეპარტამენტის უფროსის მოადგილემ, ლაშა ჩიხლაძემ დაათვალიერა. ეს სამუშაოები  საგზაო და სამელიორაციო ინფრასტრუქტურის მოვლა-შენახვის ქვეპროგრამის ფარგლებში ხორციელდება.

ბეტონის საფარის დაგება

მახუნცეთი-ბზუბზუს საავტომობილო გზის მონაკვეთზე ბეტონის საფარის დაგება

მიმდინარე წელს ქედის მუნიციპალიტეტში აშენდა  2 ახალი ხიდი. ცხმორისი-კოკოტაური-ძანაძეების საავტომობილო გზის  მონაკვეთზე ახალი ლითონის ხიდის მშენებლობის დასრულებული სამუშაოები აჭარის ავტონომიური რესპუბლიკის საავტომობილო გზებისა და სამელიორაციო სისტემების მართვის დეპარტამენტის უფროსის მოვალეობის შემსრულებელმა, რაულ ბერიძემ დაათვალიერა.

ხიდის სიგრძე 18,20 მეტრია, ხოლო სიგანე – 4 მეტრი.

პროექტის სახელშეკრულებო ღირებულება 125 988 ლარია.

დასრულებული ხიდი

დასრულებული ხიდი

შესრულებული სამუშაოები ხელისუფლებამ დაათვალიერა  დანდალო-მოსიაშვილების საავტომობილო გზის მონაკვეთზეც. ქედის მუნიციპალიტეტში, ამ მონაკვეთზე, ბეტონის საფარის მოწყობის სამუშაოებს საავტომობილო გზებისა და სამელიორაციო სისტემების მართვის დეპარტამენტის უფროსის მოადგილის მოვალეობის შემსრულებელი ლაშა ჩიხლაძე გაეცნო.

ეს პროექტიც საგზაო და სამელიორაციო ინფრასტრუქტურის მოვლა-შენახვის ქვეპროგრამის ფარგლებში ხორციელდება.

ბეტონის საფარის მოწყობა

ბეტონის საფარის მოწყობა

ჯამში, ქედის მუნიციპალიტეტში, ბეტონის საფარის მოწყობისთვის ბიუჯეტიდან გამოყოფილია 951 000 ლარი. ამ თანხით შეიძენენ 8 000 კუბურ მეტრ ბეტონს, რითაც 22,9 კმ სიგრძის ბეტონის საფარი მოეწყობა, 37 მიმართულების საავტომობილო გზაზე.

დაგეგმილ პროექტებს აჭარის საავტომობილო გზებისა და სამელიორაციო სისტემების მართვის დეპარტამენტი ასრულებს. სამუშაოები საგზაო და სამელიორაციო ინფრასტრუქტურის მოვლა-შენახვის ქვეპროგრამის ფარგლებში ხორციელდება.

ნეტგაზეთის მასალების სხვა გამოცემებში გადაბეჭდვის წესი
ავტორი