უგზო-უკვლოდ დაკარგულთა საერთაშორისო დღე ბათუმშიც აღნიშნეს


30 აგვისტოს მსოფლიოში უგზო-უკვლოდ დაკარგულთა საერთაშორისო დღე აღინიშნება. საქართველოში 1990-იანი წლებისა და 2008 წლის აგვისტოს ომის შედეგად 2 300-ზე მეტი პირი ითვლება დაკარგულად. საქართველოში უგზო-უკვლოდ დაკარგულთა საერთაშორისო დღე 2011 წლიდან აღინიშნება.

უგზო-უკვლოდ დაკარგულთა საერთაშორისო დღესთან დაკავშირებით, წითელი ჯვრის საერთაშორისო კომიტეტი და საქართველოს წამების მსხვერპლთა ფსიქო-სოციალური და სამედიცინო რეაბილიტაციის ცენტრი საქართველოს ხუთ ქალაქში: თბილისში, ზუგდიდში, ქუთაისში, ბათუმსა და გორში სხვადასხვა ღონისძიებას გეგმავენ.

უგზო-უკვლოდ დაკარგულ პირთა სახელობის სკვერი ბათუმში ლორიას ქუჩაზე მდებარეობს.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან