Batumelebi | 16 გამამართლებელი განაჩენი 655 საქმიდან – ბათუმის სასამართლოს სტატისტიკა 16 გამამართლებელი განაჩენი 655 საქმიდან – ბათუმის სასამართლოს სტატისტიკა – Batumelebi
RU | GE  

16 გამამართლებელი განაჩენი 655 საქმიდან – ბათუმის სასამართლოს სტატისტიკა

ბათუმის საქალაქო სასამართლომ მიმდინარე წლის პირველ შვიდ თვეში 16 გამამართლებელი განაჩენი გამოიტანა. ამავე პერიოდში ნაწილობრივ გამამართლებელი განაჩენია მიღებული 7 საქმეზე, 6 საქმის განხილვა შეწყდა. სტატისტიკურ მონაცემებს ბათუმის საქალაქო სასამართლო აქვეყნებს.

სასამართლოს სტატისტიკის მიხედვით, 2018 წლის პირველი იანვრიდან ივლისის ჩათვლით სასამართლოში სულ 688 სისხლის სამართლის საქმე შევიდა, სასამართლომ ამ პერიოდში 655 საქმის განხილვა დაასრულა, აქედან ნახევარზე მეტ – 376 შემთხვევაში საპროცესო შეთანხმება გაფორმდა.

ბათუმის საქალაქო სასამართლოს 2017 წლის სტატისტიკის მიხედვით, 817 საქმეზე შედგა საპროცესო შეთანხმება, 811 საქმეზე კი – არსებითი განხილვა. 2016 წელს 732 საქმე დასრულდა საპროცესო შეთანხმებით, 658 – არსებითი განხილვით.

რაც შეეხებება გამამართლებელ განაჩენებს: 2017 წელს სრულად გამართლდა 31 ადამიანი, ნაწილობრივ – 19.

ნეტგაზეთის მასალების სხვა გამოცემებში გადაბეჭდვის წესი
ავტორი