კულტურული მემკვიდრეობა,სიახლეები

აჭარის კულტურული მემკვიდრეობის დაცვის სააგენტო ძეგლების 3D გრაფიკის შექმნაზე მუშაობს

02.08.2018 • 3862
აჭარის კულტურული მემკვიდრეობის დაცვის სააგენტო ძეგლების 3D გრაფიკის შექმნაზე მუშაობს

აჭარის კულტურული მემკვიდრეობის დაცვის სააგენტომ ძეგლების 3D გრაფიკის შექმნაზე მუშაობა დაიწყო. სააგენტო პრეზენტაციას „კულტურული მემკვიდრეობის ძეგლების 3 განზომილებიანი გრაფიკა“ ხვალ, 3 აგვისტოს, 12:00 საათზე, განათლების სამინისტროს საკონფერენციო დარბაზში გამართავს.

სააგენტოს ინფორმაციით, შეხვედრაზე წარმოდგენილი იქნება კულტურული მემკვიდრეობის ძეგლის 3-განზომილებიანი გრაფიკის პირველი ნიმუში. ასევე, წარმოდგენილი და განხილული იქნება მოდელირების პროცესი.

სააგენტოს მიერ შეიქმნება კულტურული მემკვიდრეობის ძეგლების 3-განზომილებიანი გრაფიკა, ერთგვარი საინფორმაციო ბაზაა და მოიცავს ძეგლების არსებული მდგომარეობის ამსახველ ვიზუალურ და გრაფიკულ ინფორმაციას.

“აღნიშნული რესურსი ერთდროულად მოემსახურება სააგენტოს საქმიანობის ძირითად მიზნებს და გამოყენებული იქნება: ა) როგორც მტკიცებულება, ბ) როგორც არქიტექტურული პროექტების შემადგენელი ნაწილი, გ) ეფექტური საინფორმაციო-ვიზუალური რესურსი მემკვიდრეობის პოპულარიზაციის მიზნებისათვის, დ) რესურსი ძეგლების 3D მაკეტების მომზადებისათვის,” – წერია ღონისძიების ანონსში.

გადაბეჭდვის წესი


ასევე: