შუახევში დასავლეთ საქართველოს ბავშვთა სარაგბო ფესტივალი გაიმართა. მოედანზე 9 გუნდის 60-მდე 2004 წელს დაბადებული და უმცროსი ასაკის მორაგბეები დაუპირისპირდნენ ერთმანეთს.
ფესტივალი ფურტიოს რაგბის გუნდის გამარჯვებით დასრულდა.
დასავლეთ საქართველოს ბავშვთა სარაგბო ფესტივალი მუნიციპალიტეტის მერიის, შუახევის ფეხბურთისა და რაგბის განვითარების სკოლის ორგანიზებით და საქართველოს რაგბის კავშირის მხარდაჭერით ჩატარდა. ორგანიზატორების თქმით, ღონისძიების მიზანია, მასობრივი სპორტის სახეობის პოპულარიზაციასთან ერთად, ბავშვთა რაგბის განვითარება.
