ბათუმში ზღვის სეზონზე დამატებით 10 საპატრულო ეკიპაჟი მუშაობს. სეზონის დაწყებამდე ბათუმს პატრულის 13 ეკიპაჟი ემსახურებოდა.
შინაგან საქმეთა სამინისტროს ინფორმაციით, დამატებითი ეკიპაჟები ბათუმში თბილისიდან ჩამოვიდნენ.
დამატებით 10 დაცვის პოლიციელი იმუშავებს ბათუმის ბულვარის ტერიტორიაზე. დაცვის პოლიციის პრესსამსახურში გვითხრეს, რომ ზღვის სეზონზე ბათუმში ბულვარს ჯამში 31 პოლიციელი დაიცავს.