ნეტგაზეთი • RU

ძველ ბათუმში ავტომანქანა ტურისტ ქალს დაეჯახა

დღეს, 26 ივნისს, ძველ ბათუმში, ზვიად გამსახურდიას ქუჩაზე, ავტომანქანა ტურისტ ქალს დაეჯახა. სასწრაფო-სამედიცინო სამსახურის ცნობით, საშუალო ასაკის ქალს ფეხი აქვს მოტეხილი.

დაშავებული ბათუმის „მედცენტრში“ გადაიყვანეს.

შინაგან საქმეთა სამინისტროს ინფორმაციით, გამოძიება დაიწყო 276-ე მუხლის პირველი ნაწილის შესაბამისად, რაც ავტოსატრანსპორტო მოძრაობის წესების დარღვევას გულისხმობს. პრესსამსახურში გვითხრეს, რომ ავტომანქანის მძღოლი ადგილიდან არ მიმალულა.

სამართალდამცველებს ამ დროისთვის არავინ დაუკავებიათ – გამოძიება ექსპერტიზის დასკვნას დაელოდება.

ნეტგაზეთის მასალების სხვა გამოცემებში გადაბეჭდვის წესი
ავტორი